Здесь нашел интересный обзор

Молитвы во всякой нужде

Молитва за самоубийц

Молитва о даровании детей бесплодным супругам

От пьянства молитва праведного Иоанна Кронштадского

Молитва перед учением

Молитва о умерших не крещеный младенцев

Молитва о заключенных

О путешествующих молитва

О болящем молитва

85 молитв к различным святым

 Молитва за самоубийц

По 14 правилу Тимофея Александрийского в церкви не может быть приношения за самоубийц. Т.е. в церкви их не поминают и за них не молятся. Но что делать убитым горем близким? – молится дома. Известный оптинский старец Леонид, скончавшийся в 1841 году, дал такое наставление своему ученику Павлу Тамбовцеву, обратившагося к нему за утешением по случаю самоубийства отца: «Вручай как себя, так и участь своего родителя воле Господней, премудрой и всемогущей… Молись преблагому Создателю, исполняя тем долг любви и обязанности сыновней… по духу добродетельный и мудрых так»:

Взыщи, Господи, погибшую душу отца моего и, аще возможно, помилуй! Неизследимы судьбы Твои. Не постави мне в грех сей молитвы, но да будет святая воля Твоя!

Молитва о даровании детей бесплодным супругам

Услышь нас, Милосердый и Всемогущий Боже, да молением нашим ниспослана будет благодать Твоя. Будь милостив, Господи, к молитве нашей, воспомяни закон Твой о умножении рода человеческого и будь милостивым Покровителем, да Твоею помощию, сохранится Тобою же установленное. Ты властною силою Твоею из ничего все сотворил и положил начало всего в мире существующего, сотворил и человека по образу Своему и высокою тайною освятил союз супружества в предуказании тайны единения Христа с Церковью. Призри, Милосердый, на рабов Твоих сих (имя рек), союзом супружеским соединенных и молящих о Твоей помощи, да будет на них милость Твоя, да будут плодовиты, и да увидят они сыны сынов своих даже до третьего и четвертого рода, и до желаемой старости доживут, и войдут в Царство Небесное через Господа нашего Иисуса Христа, Которому всякая слава, честь и поклонение подобает со Святым Духом во веки. Аминь.

От пьянства молитва святого праведного Иоанна Кронштадского

Господи, призри милостивно на раба твоего (имя рек), прельщенного лестию чрева и плотскаго веселия; даруй ему познати сладость воздержания в посте и проистекающих от него плодов. Аминь.

Молитва перед учением

Преблагий Господи, ниспосли нам благодать Духа Твоего Святаго, дарствующаго смысл и укрепляющего душевные наши силы, дабы, внимая преподаваемому нам учению, возрасли мы Тебе, нашему Создателю, во славу, родителем же нашим на утешение, Церкви и отечеству на пользу. Аминь.

Молитва о умерших не крещеный младенцев

Господи, помилуй чад моих, умерших во утробе, за веру и слезы мои, ради милосердия Твоего. Господи, не лиши их света Твоего Божественного. Аминь.

Молитва о заключенных

Господи Иисусе Христе Боже наш, святаго апостола твоего Петра от уз темницы без всякого вреда свободивый, приими, смиренно молим Ти ся, жертву сию милостивно во оставление грехов раба Твого (имя рек), в темницу всажденного, и молитвами его, яко Человеколюбец всесильною Твоею десницею от всякого злаго обстояния избави и на свободу изведи. Аминь.

О путешествующих молитва

Господи Иисусе Христе Боже наш, истинный и живый путю, состранствовати мнимому Твоему отцу Иосифу и Пречистей Ти Деве Матери во Египет изволивый, и Луце и Клеопе во Еммаус спутешествовавый! И ныне, смиренно молим Тя, Владыко Пресвятый, и рабом Твоим сим (имя рек) Твоею благодатию спутешествуй. И яко же рабу Твоему Товии, Ангела хранителя и наставника посли, сохраняюща и избавляюща их от всякого злаго обстояния видимых и невидимых врагов, и ко исполнению заповедей Твоих наставляюща, мирно же и благополучно и здравопрепроваждающа, и паки цело и безмятежно возвращающа; и даждь им все благое свое намерение ко благоугождению Твоему благополучно в славу Твою исполнити. Твое бо есть, еже миловати и спасати нас, и Тебе славу возсылаем со Безначальным Твоим Отцем и со Пресвятым и Благим и Животворящим Твоим Духом, ныне и присно и во веки веков. Аминь.

О болящем молитва

Владыко Вседержителю, Святый Царю, наказуяй и неумерщвляяй, утверждаяй ниспадающия и возводяй низверженныя, телесныя человеков скорби исправляяй, молимся Тебе, Боже наш, раба твоего (имя рек) немоществующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе ниспосли, прикоснися телеси, угаси огневицу, укроти страсть и всяку немощь таящуюся, буди врач рабу Твоему (имя рек), воздвигни его от одра болезненного и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

85 МОЛИТВ КО СВЯТЫМ

Собору двенадцати Апостолов

Св. равноапостольным Кириллу и Мефодию

Св. равноапостольному князю Владимиру

Св. равноапостольной княгине Ольге

Преп. Даниилу Московскому

Св. равноапостольным Константину и Елене

Св. благоверному князю Вячеславу Чешскому

Св. князю Олегу Брянскому

Святой равноапостольной Нине, просветительнице Грузии

Св. Архангелу Гавриилу

Преп. Антонию, Феодосию и прочим отцам Киево-Печерским

Свт. Феодосию, архиепископу Черниговскому

Св. великомученику Никите

Св, мученицам Вере, Надежде, Любви и матери их Софии

Св. мученику Леониду и мученицам Хариессе, Нике, Галине, Калисе, Нунехии, Василиссе, Феодоре, Ирине и иже с ними пострадавшим

Св. мученику Иоанну Воину

Св. царице Грузинской Тамаре

Св. великомученику Димитрию Солунскому

Св. Архангелу Рафаилу

Преп. Сергию и Герману Валаамским

Святителю Арсению Тверскому, св. князю Михаилу Тверскому, преп. Ефрему и Аркадию Новоторжским, св. Анне Каийиской, преп. Нилу Столобенскому

Св. благоверным князем Александру Невскому и Димитрию Донскому

Святителям Василию Великому, Григорию Богослову и Иоанну Златоустому

Св. первомученику архидиакону Стефану

Святым женам-мироносицам

Св. первоверховным апостолам Петру и Павлу

Св. пророку Божию Илии

Св. великомученице Варваре

Преп. Тихону Калужскому

Св. Алексию, человеку Божию

Блаженным Василию, Максиму и Иоанну, юродивым Московским

Свт. Иоасафу Белгородскому

Святым мученикам Адриану и Наталии

Священномученику Харалампию

Псковским преподобным

Св. праведному Иоанну Русскому Исповеднику

Преподобной Марии Египетской

Преподобному Никандру Псковскому

Св. великомученику Феодору Стратилату

Преп. Зосиме и Савватию Соловецким

Св. мученикам Антонию, Иоанну и Евстафию Виленским

Святым страстотерпцам Борису и Глебу

Св. апостолу и евангелисту Иоанну Богослову

Св. Анастасии Узорешительнице

Св. великомученице Екатерине

Св. праведному Симеону Богоприимцу

Святители Спиридону Тримифуитскому

Святителю Митрофану Воронежскому

Преп. Сергию Радонежскому

Св. праведному Иоанну Кронштадтскому

Святым Ксенофофонту и Марии

Св. мученикам Евстафию Планиде и Евфимии

Святым праведным Богоотцем Иоакиму и Анне

Преп. Кириллу и Марии, родителям преп. Сергия Радонежского

Святым Петру и Февронии Муромским

Святым сорока мученикам Севастийским

Св. мученикам Гурию, Самону и Авиву

Святой блаженной Ксении Петербургской

Святителю Алексию Московскому

Священномученику Антипе Пергамскому

Св. великомученику Артемию

Преп. Серафиму Саровскому

Преподобному Марону Сирийскому

Святителю Димитрию Ростовскому

Преп. Давиду Гареджийскому

Преп. Александру Свирскому

Преп. Иринарху, затворнику Ростовскому

Святым седми отрокам во Ефесе

Великомученику Пантелеймону, святым Косме и Дамиану, св. мученикам Киру и Иоанну, священномученику Ермолаю, св. мученику Диомиду, св. мученикам Фотию и Аниките

Св. мученику Полиевкту

Св. апостолу Фоме

Святителю Тихону Задонскому

Святителю Иоанну Златоусту

Преп. Ефрему Сирину

Св. мученику Вонифатию

Свт. Вонифатию Милостивому

Преп. Моисею Мурину

Св. Архистратигу Божию Михаилу

Преподобному Макарию Великому

Преподобному Антонию Великому

Священномученику Киприану и мученице Иустине

Св. мученице Татьяне

Московским святым

Всем святым, в земле Российстей просиявшим

Молитва по призывании святых

Собору двенадцати Апостолов

О святии апостоли Христовы: Петре и Андрее, Иакове и Иоанне, Филиппе и Варфоломее, Фомо и Матфее, Иакове и Иудо, Симоне и Матфие! Услышите наши молитвы воздыхания, сердцем сокрушенным нын приносимые и помозите нам, рабам Божиим (имена), вашим мощным пред Господом ходатайством, избавитиря от всякагозла и вражия лести, твердо же преданную вами веру православную сохрайяти, и ней же вашим предстательством, ни ранами, ни прещением, ни мором, ни коим гневом от Создателя нашего умалени будем, но мирное зде поживем житие и сподобимся видети благая на земли живых, славяще Отца и Сына и Святаго Духа, Единаго в Троице славимаго и покланяемаго Бога, ныне и присно и во веки веков.

Св. равноапостольным Кириллу и Мефодию

О святйи равноапостольнии Мефодие и Кирилле! Ныне к вам усердно прибегаем и в сокрушении сердец наших молимся: молите Господа, да наставит и обратит нас, на путь спасения. Не оставите нас, недостойных чад ваших (имена), дадите нам, молитвами вашими, о Правослаии ревность, да ею возгреваеми, отеческая предания добре сохраним, уставы и обычаи церковныя верно соблюдати потщимся, всяких лжеучений странных отбежим, и тако в житии богоугодном на земли преспевающе, жизни райския на небеси сподобимся, и тамо с вами вкупе Владыку всех, в Троице Единаго Бога, прославим во веки веков.

Св. равноапостольному князю Владимиру

О великий угодниче Божий, равноапостольный княже Владимире! Призри на немощи наши и умоли Премилосердаго Царя Небеснаго, да не прогневается на ны зело и да не погубит нас со беззаконьми нашими, но да помилует и спасет нас по милости Своей, да всадит в сердца наша покаяние и спасительный страх Божий, да просветит Своею благодатию ум наш, во еже оставити нам стези нечестия, и на путь спасения обратитися, неуклонно же заповеди Божия творити и уставы Святыя Церкве соблюдати. Моли, благосерде, Человеколюбца Бога, да явит нам великую милость Свою: да избавит нас от смертоносных болезней и от всякаго зла, да сохранит и спасет рабов Божиих (имена) от всех козней и наветов вражиих и да все мы сподобимся с тобою вечнаго блаженства, хваляще и превозносяще Бога во веки веков.

Св. равноапостольной княгине Ольге

О святая равноапостольная княгине Ольго, приими убо похвалу от нас, недостойных раб Божиих (имена), пред честною Твоею иконою молящихся и смиренно просящих: огради нас твоими молитвами и заступлением от напастей и бед, и печалей, и лютых грехов; еще же и от будущих мук избави ны, честно творящия святую память твою и славящия прославльшаго тя Бога, во Святей Троице прославляемаго, Отца и Сына ц Святаго Духа, ныне и присно и во веки веков,

Преп. Даниилу Московскому

О преподобие княже Данииле, к иконе твоей притекающе, усердно молим тя: призри на нас (имена), с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром приход сей и храм сей добре да сохранит, благочестие и любовь в людех православных насаждай, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвам твоими, яко да прославляем дивнаго во святых своих Христа Бога нашего вкупе со Отцем и Святым Духом во веки веков. Аминь.

Св. равноапостольным Константину и Елене

О святии равноапостольнии Константине и Елено! Избавите приход сей и храм наш от всякаго навета вражия и не оставите заступлением вашим нас, немощных (имена), умолите благость Христа Бога нашего даровати нам помыслов мир, от пагубных страстей и всякия скверны воздержание, благочестие же нелицемерное. Испросите нам, угодницы Божий, свыше дух кротости и смиренномудрия, дух терпения и покаяния, да прочее время жития нашего в вере и сокрушении сердечном поживём, и тако в час скончания нашего благодарно восхвалим прославльшаго вас Господа, Безначальнаго Отца, Единороднаго Его Сына и Единосущнаго Всеблагаго Духа, Троицу Нераздельную, во веки веков.

Св. благоверному князю Вячеславу Чешскому

О святый княже Вячеславе! Усердно просим тя молитися за ны, (имена), да простит Господь Бог наши согрешения вольные и невольные и очистит нас от всякия скверны плоти и духа, да избавит нас от козней диавола и сохранит от клеветы людския, да утвердит нас в истинной вере и благочестии, да соблюдет от суемудрых и душетленных учений, да сохранит сердца наша от соблазнов мира сего и да научит отвращаться от плотских страстей и похотей, да тако горняя мудроствовати, а не земная, прославляя Единосущную Троицу во веки и в век века. Аминь.

Св. князю Олегу Брянскому

О преподобие отче, благоверне княже Олеже! Воззри, преблаженне, милостивно на дом (приход) сей и люди, в нем живущия, и не отвержи требующих твоея помощи, не презри нас, молящихся тебе, но помози нам (имена) скорым предстательством твоим, да всяких бед, напастей и скорбей в сей жизни временней избежавше, кончину непостыдну обрящем, и тако на земли богоугодно поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

Святой равноапостольной Нине, просветительнице Грузии

О всехвальная и предивная равноапостольная Нино, к тебе прибегаем и умильно тебе просим: огради нас (имена) от всяких зол и скорбей, вразуми врагов святыя Церкви Христовы и посрами противников благочестия и умоли Всеблагаго Бога Спасителя нашего, Емуже ты ныне предстоиши, да дарует народу православному мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже все святии славословят всесвятое Его имя, ныне и присно и во веки веков. Аминь.

Св. Архангелу Гавриилу

О святый Архангеле Гаврииле! Всеусердно молим тя, настави нас, раб Божиих (имена), к покаянию от злых дел и ко утверждению в вере нашей, укрепи и огради души наша от искушений прельстительных и умоли Создателя нашего о отпущении грехов наших. О святый великий Гаврииле Архангеле! Не презри нас, грешных, молящихся тебе о помощи и заступлении твоем, в веце сем и в будущем, но присно помощник нам явися, да непрестанно славим Отца и Сына и Святаго Духа державу и твое предстательство во веки веков.

Преп. Антонию, Феодосию и прочим отцам Киево-Печерским

О угодницы Христовы, преподобнии отцы наши Антоние и Феодосие и все святии Киево-Печерстии, светильницы пресветлые, святостию иноческаго жития первые просиявшие на земле Российстей, покровители града Киева и всего отечества нашего! К вам, молитвенникам теплым и предстателям непостыдным, усердно притекаем, в. нуждах и скорбях наших утешения и помощи просяще. Помогите нам, рабам Божиим (имена), заступницы наши! Утвердите нас в вере святей, сохраните Церковь Божию от пагубных ересей и расколов, научите нас всегда творити заповеди Божия и вся предания церковная, от отец нам заповеданная, будите нам благосердые отцы и теплые молитвенницы, яко да прославим имя Живоначальныя Троицы, Отца и Сына и Святаго Духа во веки. Аминь.

Свт. Феодосию, архиепископу Черниговскому

О священная главо, святителю Феодосие! Услыши нас призывающих тя и припадающих Ко святей иконе твоей. Поминай Нас, раб Божиих (имена), у престола Вседержителева и не престай моляся о нас ко Христу Богу: тебе бо дадеся благодать молитися за ны. Испроси предстательством твоим у Всемилостиваго Бога нашего нам здравие душевное и телесное, тихое и богоугодное житие, благую христианскую кончину и добрый ответ на Страшнем суде Христове и Царствия Небеснаго наследники быти покажи, да прославим имя Отца и Сына и Святаго Духа, во веки веков.

Св. великомученику Никите

О великий Христов страстотерпче Никито! Услыши молитву нас, грешных, и избави нас (имена) от всякия печали и находящия напасти, от внезапныя смерти и от всякаго зла: в час же разлучения души от тела отжени, страстотерпче, всякую лукавую мысль и лукавыя бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков.

Св, мученицам Вере, Надежде, Любви и матери их Софии

О святыя мученицы Веро, Надежде и Любы, и мудрая мати Софие! К вам ныне со усердною молитвою притекаем. Умолите убо Господа, да в скорбех и напастех неизреченною благодатию Своею покрыет ны, раб Своих (имена), и сохранит, и Того славу, яко солнце незаходимое, эрети да сподобит. Споспешествуйте нам во смиренных молениих наших, да простит Господь Бог грехи и беззакония наша, и да помилует нас, грешных, и щедрот Своих да сподобит нас Христос Бог, Емуже славу возсылаем, со Безначальным Его Отцем, и Пресвятым и Благим и Животворящим Его Духом, ныне и присно и во веки веков.

Св. мученику Леониду и мученицам Хариессе, Нике, Галине, Калисе, Нунехии, Василиссе, Феодоре, Ирине и иже с ними пострадавшим

О святии мученицы! Прострите благоприятныя молитвы ваша ко Господу и Создателю нашему умолите Его благость даровати нам (имена) вся к вечному спасению потребная, таже и к житию сему временному нужная: веруем бо несомненно, яко вся возможна вам, яко истинным Его угодником. Ей, чудотворцы святии! Не посрамите упования нашего, но молитвами вашими сотворите нас наследники быти Царствия Христова, да прославляем человеколюбие в Троице славимаго и покланяемаго Бога, Отца и Сына и Святаго Духа, и ваше святое заступление, во веки веков,

Св. мученику Иоанну Воину

О преславный угодниче Христов Иоанне Воине! Храбр был еси в ратех, врагом прогонитель и обидимых заступник, ныне же и всем православным христианом скорый помощник являешися. Помяни нас, грешных и недостойных, и заступи нас в бедах и скорбех и печалех и во всякой злой напасти, и от всякаго злаго и обидящаго человека защити нас: тебе бо дана бысть от Бога благодать молитися за ны грешныя (имена), зле страждущия. О, великий поборниче, врагов прогонителю, христолюбиваго воинства покровителю и обидимых заступниче, Иоанне Воине! Не забуди нас грешных, молящихся тебе и твоея помощи и неоскудныя милости просящих, и сподоби ны грешныя и недостойныя неизреченная благая от Бога получити. Яко Тому подобает всякая слава, честь и поклонение, Отцу и Сыну и Святому Духу, ныне и присно и во веки веков.

Св. царице Грузинской Тамаре

О святая царице Тамаре! Не забуди нас, но поминай во святых твоих молитвах раб Божиих (имена), моли за ны, царице святая. Не отступи от нас духом, сохраняй нас от стрел вражиих, от прелести бесовския и козней диавольских. Испроси нам время на покаяние и невозбранно прейти от земли на небо чрез мытарства горьких бесов, да твоим предстательством от вечныя муки избавльшеся, Небесное Царствие наследовати сподобимся со всеми праведными, от века угодившими Христу Господу нашему: Емуже подобает всякая слава, честь и поклонение, ныне и в безконечныя веки веков.

Св. великомученику Димитрию Солунскому

Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.

Св. Архангелу Рафаилу

О святый Архангеле Рафаиле! Всеусердно молим тя, буди нам путеводитель в жизни нашей, сохрани от всех видимых и невидимых враг, исцели душевныя и телесныя болезни наша, управи жизнь нашу к покаянию во гресех и ко творению добрых дел. О, святый великий Рафаиле Архангеле! Услыши нас, грешных раб Божиих (имена), молящихся тебе, и сподоби в здешней и будущей жизни благодарити и славити общаго Создателя нашего в безконечныя веки веков.

Преп. Сергию и Герману Валаамским

О преподобнии и Богоноснии отцы наши Сергие и Германе! С верою и любовию припадающе к святей иконе вашей, умиленно молим вас: не забудите нас, недостойных и грешных (имена), но предстательством вашим оградите нас от злых козней вражиих: утолите возстание страстей: укрепите немощь нашу в духовных бранех и подвизех, предлежащих нам: отжените всякое уныние и печаль греховную от сердец наших, и небесное утешение низпослите нам во трудех и скорбех наших. В страшный же час смертный предстаните всем нам, яко же блазии ходатаи и темных зраков демонских прогонителие: да в мире и покаянии скончавше земное поприще наше, достигнем и вечных благ наслаждения, и купно с вами да воспоем и прославим всесвятое имя Отца и Сына и Святаго Духа, ныне и присно и вовеки веков. Аминь.

Святителю Арсению Тверскому, св. князю Михаилу Тверскому, преп. Ефрему и Аркадию Новоторжским, св. Анне Каийиской, преп. Нилу Столобенскому

О святителю Арсение, святый княже Михаиле, преподобные Ефреме и Аркадие, святая благоверная княгине Анно и преподобне отче наш Ниле! Испросите нам, рабам Божиим (имена), у Господа Бога предстательством вашим мир, здравие, долгоденствие и во всем благоспешество. Будите нам помощницы вся, яже ко спасению и пользе нашей, восприяти: охраняйте нас от искушений и напастей, во временней жизни приходящих, и не лишите нас ходатайства вашего ко Христу Богу, во еже получити нам прегрешений прощение и сподобитися небеснаго селения сб избранными Его, яко да и в сем славится пречестное и великолепое имя Его во веки веков.

Св. благоверным князем Александру Невскому и Димитрию Донскому

О святые благоверные князи Александре и Димитрие! Призрите милостивно на ны, недостойныя рабы Божии (имена), и исходатайствуйте нам житие тихое и безмятежное, и к вечному Царствию шествие неуклонное вашим предстательством устройте нам, да сохранит нас Господь Бог Своею благодатию в мире, здравии, долгоденствии и Всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно, и во веки веков.

Святителям Василию Великому, Григорию Богослову и Иоанну Златоустому

О великие и пресветлые святители, Василие, Григорие и Иоанне! Призрите от высот небесных на нас, раб Божиих (имена), и умолите Господа, Егоже верные на земли служители были еси, да дарует нам веры правыя твердое и неизменное сохранение, Церкви Святей послушание, жития нашего исправление и во всех нуждах, скорбех и искушениих скорое поможение, терпение же и укрепление. Подайте нам ваше святое благословение, да оным осеняемии во вся дни богоугодно в мире и покаянии поживем и во Царствии Небеснем сподобимся купно с вами и со всеми святыми Живоначальную Троицу, Отца и Сына и Святаго Духа, воспевати и славити во веки веков.

Св. первомученику архидиакону Стефану

О святый первомучениче, апостоле архидиаконе Стефане! Преклоньше колена души и сердца нашего, тя молим: воздежи руце твои ко Господу и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас (имена), присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию, и твоим предстательством и заступлением Пресвятыя Матере Своея, в день он страшный и праведный, да не поставит пред нами грехи наша, но по щедротам Своим, тобою умолен быв, да речет душе нашей: спасение ваше есмь Аз во веки веков.

Святым женам-мироносицам

О святыя Марфо и Марие и прочие святыя жены-мироносицы! Умолите Возлюбленнаго вами и вас возлюбившаго Сладчайшаго Иисуса, Егоже вы исповедали есте Христа, Сына Божия, да даст и нам, грешным рабам Божиим (имена), грехов оставление, в вере правей нелицемерное и твердое стояние. Вселите в сердца наша дух страха Божия, смиреннаго на Бога упования, терпения и ко ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, предстанем на оный Страшный суд, и добрый ответ на нем воздавше, радости неизреченныя во Царствии Небеснем сподобимся во веки веков.

Св. первоверховным апостолам Петру и Павлу

О святии апостоли Петре и Павле, не отлучайтеся духом от нас, грешных раб Божиих (имена), да не разлучимся вконец от любве Божия, но крепким заступлением вашим нас защитите, да помилует Господь всех нас молитв ваших ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков.

Св. пророку Божию Илии

О святый пророце Божий Илие, моли о нас Человеколюбца Бога, да подаст нам, рабам Божиим (имена), дух покаяния и сокрушения о гресех наших, и всесильною Своею благодатию да поможет нам пути нечестия, оставити, преспевати же во всяком деле блазе, и в борьбе со страстьми и похотьми нашими да укрепит нас; да всадит в сердца наша дух смирения и кротости, дух братолюбия и незлобия, дух терпения и целомудрия, дух ревности ко славе Божией и о спасении своем и ближних доброе попечение. Отврати от нас предстательством твоим праведный гнев Божий, да тако в мире и благочестии поживше в сем веце, сподобится причастия вечных благ во Царствий Господа и Спаса нашегo Иисуса Христа, Емуже подобает честь и поклонение, со Безначальным Его Отцем и Пресвятым Духом во веки веков.

Св. великомученице Варваре

Святая великомученице Христова Варваро! Моли с нами и о нас, рабах Божиих (имена), умоляемагоот Своего милосердия Бога, да милостивно услышит нас, Просящих Его благостыню и не отставит от нac вся ко спасению и житию нужная прошения, христианскую же кончину жития нашего безболезненну, непостыдну, мирну и Божественных Тайн причастну да дарует, да благодатию Божию и твоим теплым предстательством, душею и телом всегда здрави пребывающе, ставим дивнаго во святых Своих Бога Израилева, не удаляющаго помощи Своея от нас, всегда, ныне и присно и вовеки веков.

Преп. Тихону Калужскому

О преподобие отче наш Тихоне! Моли милостиваго Бога о нас, смиренных и недостойных, раб Божиих (имена), да избавит храм (дом) сей и приход наш от всяких бед и зол, да отпустит нам вся прегрешения наша, да спасет нас благодатию Своею и сподобит радости вечныя наслаждатися в горнем оном Иерусалиме купно с тобою и со всеми святыми, от века Ему благоугодившими, в них же в Троице славимый Бог благословен есть всегда, ныне и присно и во веки веков.

Св. Алексию, человеку Божию

О Христов угодниче, святый человече Божий Алексие! Призри милостивно на нас, раб Божиих (имена), и простри молитвенно ко Господу Богу честгнии руце твои, и испроси нам от Него оставление согрешений наших вольных и невольных, мирную и христианскую жития кончину и добрый ответ нa Страшнем суде Христове. Ей, угодниче Божий, не посрами упования нашего, еже на тя, по Бозе и Богородице, возлагаем; но буди нам помощник и покровитель во спасение: да твоими молитвами получивше благодать и милость от Господа, прославим человеколюбие Отца и Сына и Святаго Духа и твое святое заступление, ныне и присно и во веки веков.

Блаженным Василию, Максиму и Иоанну, юродивым Московским

О угодницы Христовы, преблаженне Василие, Максиме и Иоанне! Услышите ны, многогрешныя, ныне вопиющия к вам: помилуйте нас, раб Божиих (имена), и умилосердитеся над убожеством нашим, и молитвами вашими исцелите всяк недуг и болезнь души и тела нашего грешнаго, и сподобите ны течение жизни сея невредимо от видимых и невидимых враг и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков.

Свт. Иоасафу Белгородскому

О угодниче Божий святителю Иоасафе! Из глубины сердца взываем к тебе раби Божии (имена), огради нас от соблазна, ересей и расколов, научи горняя мудрствовати, разсеянный ум наш просвети и на путь истины направи, охладевшее сердце согрей любовию ко ближнему и ревностию ко исполнению велений Божиих, грехом и нерадением ослабленную волю нашу оживотвори благодатию Духа Всесвятаго: да твоему пастырскому гласу порледующе, сохраним в чистоте и правде души наша, и тако, Богу помогающу, Небеснаго Царствия достигнем, идеже купно с тобою воспрославим пречестное и великолепое имя Отца и Сына и Духа Святаго во веки веков.

Святым мученикам Адриану и Наталии

О святии мученицы Адриане и Наталие! Услышите нас, раб Божиих (имена), в час сей к вам молящихся: помолитеся о нас Владыце Христу Богу, много бо дерзновение к Нему стяжали есте, искреннии молебницы о нас суще. Умолите Господа отпустити наша грехи и Небеснаго Царствия сподобити нас, да купно с вами прославим великолепое имя Пресвятыя Троицы, Отца и Сына и Святаго Духа, во веки веков.

Священномученику Харалампию

О священнейшая главо, пастырю добрый словесных овец Христовых, священномученниче Христов Харалампие, великий о нас заступниче в скорбех и бедах и во всех нуждах! Услыши нас, грешных и недостойных раб твоих (имена), молящихся тебе, да твоими всесильными молитвами Всеблагий Господь избавит ны отвсякаго злаго обстояния, простит вся согрешения; вольная и невольная, сподобит ны прочая лета жизни нашея скончати в соблюдении заповедей Его и Покаянии. Испроси, угодниче Божий, да пребудет благословение Царя Небеснаго над благословенною Им Россиею, да будет на месте сем мир, телесам здравие и душам спасение. На твоя моления, на тя, священномучениче Христов Харалампие, уповаем, получити велию милость от Господа в безконечный век. Аминь.

Псковским преподобным

О преподобнии и богоблаженнии отцы наши Никандре, Иоакиме, Онуфрие, Корнилие, Савво, Евфросиние, Серапионе, Илларионе, Марко, Ионо, Вассиане, Дорофее, Мартирие, Василие, Иоасафе, Досифее, Харитоне, Игнатие, Харалампие, Памфиле, Ниле, Феофиле, Иакове, Авраамие, Корнилие, Иоанне, преподобная мати наша Вассо и прочие чудотворцы Псковские! Приимите ныне нас, к вам усердно молящихся и припадающих ко святым иконам вашим, духом же на небесех предстоящий Святей Троице со Ангелы и преподобных отец лики, молитеся о нас, чадех ваших (имена), отцы, да избавимся всяких скорбей, болезней, бед и обстояний и благочестно поживем в настоящем житии, ходяще в заповедех и оправданиях Господних безпорочно. Испросите нам грехов прощение, телесем здравие и вечное спасение, яко да вашим предстательством спасаеми, славу возсылаем Отцу и Сыну и Святому Духу, ныне и присно и во веки веков. Аминь.

Св. праведному Иоанну Русскому Исповеднику

О святый новоявленный угодниче Божий Иоанне Русский! Подвигом добрым подвизаяся на земли, восприял еси на небесех венец правды, еже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстояй престолу Божию, приими моления наша, раб Божиих (имена), и ко Всемилостивому Богу принеси, о еже простити нам всякое прегрешение и помощи нам стати противу козней диавольских, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне я во веки веков.

Преподобной Марии Египетской

О великая Христова угодница, преподобная мати Марие! Услыши недостойную молитву нас, грешных (имена), избави нас, преподобная мати, от страстей, воюющих на души наша, от всякия печали и находящия напасти, от внезапныя смерти и от всякаго зла, в час же разлучения души от тела отжени, святая угодница, всякую лукавую мысль и лукавые бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков.

Преподобному Никандру Псковскому

О преподобие и достоблаженне отче наш Никандре! К тебе припадающе с любовию, молим тя, досточудне: настави и вразуми нас, раб Божиих (имена), ходити по стопам твоим: буди на пути сем избранный вождь нам, якоже древле Моисей бяше людем Израилевым. Испроси нам, отче, молитвами твоими у Христа Бога: да освятит благодатию Своею души и телеса наша, ум наш да просветит светом богопознания, совесть нашу от мертвых дел да очистит, От греховных же помышлений и губительнаго уныния да оградит и дарует нам искреннее покаяние, сердец со-крушение, слезное умиление, воздержание и трезвость, смиренномудрие и кротость, чистоту душевную и телесную, страннолюбце и друг ко другу нелицемерную любовь, яко да воспоем и прославим в Троице славимаго Единаго Бога Отца и Сына и Святаго Духа, ныне и в безконечныя веки веков.

Св. великомученику Феодору Стратилату

О святый, славный и всехвальный великомучениче Феодоре Стратилате! Молим тя пред иконою твоею святою: моли с нами и о нас, раб Божиих (имена), умоляемаго от Своего благосердия Бога, да милостивно услышит нас, благостыни у Него просящих, и вся наша ко спасению и житию нужная прошения да исполнит. Еще же молим тя, святый победоносче Феодоре Стратилате, разруши силы возстающих на ны врагов, видимых и невидимых. Умоли же Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа и твое исповедуем предстательство, ныне и присно и вовеки веков.

Преп. Зосиме и Савватию Соловецким

О преподобнии отцы, велиции заступницы :и скории услышателие молитв, угодницы Божии и чудотворцы Зосимо и Савватие! Незабудите, якоже обещастеся, посещати чада ваша. Аще бо и отъидосте от нас телом, но духом присно с нами пребываете. Молим убо вас, о преподобнии, избавите ны от огня и меча, от нашествия иноплеменников и междоусобныя брани, от тлетворных ветров и от внезапный смерти и от всех прилог бесовских, находящих на ны. Услышите нас, грешных (имена), и приимите молитву сию моление наше, яко кадило благовонное, яко жертву благоугодную, и души наша, злыми делы и советы и помыслы умерщвленныя, оживите. И якоже умершую отроковицу возстависте, и неисцельные раны многих исцелисте, и от духов нечистых зле мучимыя избависте; тако и нас, содержимых во узах вражиих, изьмите, и от сетей диавола избавите, Из глубины прегрешений изведите, и милостивым вашим посещением и ходатайством от враг видимых и невидимых оградите ны, благодатию и силою Пресвятыя Троицы, всегда, ныне и присно и во веки веков. Аминь.

Св. мученикам Антонию, Иоанну и Евстафию Виленским

Святии мученицы Антоние, Иоанне и Евстафие! Призрите с небеснаго чертога на требующих вашея помощи раб, Божиих (имена), и не отвергните прошений наших, но молите Христа Бога, да сохранит нас от всякаго лютаго обстояния, да не осудит нас, грешных, по беззаконием нашим, и да не во зло обратим благая, даруемая нам от Бога. Да молитвами вашими даст нам Господь мир помыслов, от пагубных страстей воздержание и от всякия скверны удаление, да мы все в мире и благочестии поживем в настоящем веце, и достигнем вечныя жизни на небеси, благодатию Господа нашего Иисуса Христа; Емуже подобает всякая слава, честь и держава, со Отцем и Святым Духом, ныне и присно и во веки веков.

Святым страстотерпцам Борису и Глебу

О двоице священная, братие прекраснии, доблии страстотерпцы Борисе и Глебе, от юности Христу верою, чистотою и любовию послужившии, и кровьми вашими яко багряницею украсившиися, и ныне со Христом царствующии! Не забудите и нас, рабов Божиих (имена), сущих на земли, но, яко теплии заступницы, вашим сильным ходатайством пред Христом Богом сохраните юныя во святей вере и чистоте невреждены от всякаго прилога неверия и нечистоты, оградите всех нас от всякия скорби, озлоблений и внезапныя смерти, укротите всякую вражду и злобу, действом диавола воздвизаемую от ближних и чуждих. Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением страну нашу и всех, чтущих святую память вашу, во веки веков. Аминь.

Св. апостолу и евангелисту Иоанну Богослову

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы; во исходе же душ наших помози нам, грешным (имена), избавитися от воздушных мытарств ивечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Св. Анастасии Узорешительнице

О многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная соверщаеши исцеления. Призри убо милостивно на нас (имена), просящия твоея помощи: простри ко Господу святыя молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшнем Суде Своем, да сподобимся и мы купно с тобою славити Отца и Сына и Святаго Духа во веки веков. Аминь.

Св. великомученице Екатерине

О святая дево и мученице Екатерино! Мо-им тя: призри на бедствия нас, грешных раб Божиих (имена), сотвори нас горняя мудр-твовати, а не земная. Поспеши нам молитвами твоими побеждати плотская похотения, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к пользе прощения, можеши бо многая испросити у Возлюбленнаго Жениха твоего, Христа Бога нашего. Мы ве-мы, яко много может молитва праведнаго, поспешествуемая благостию Милосердаго Бога, Емуже слава, честь и благодарение всегда, ныне и присно и во веки веков.

Св. праведному Симеону Богоприимцу

О Богоприимче Симеоне! Услыши нас, грешных раб Божиих (имена), и не отыми покров твой святый от нас, моли благость Господа, яко да отвратит от нас гнев Свой, праведно по делом нащим на ны движимый, и, презрев безчисленная.прегрещения наша, обратит нас на путь покаяния и на стези заповедей Своих утвердит нас. Огради молитвами, твоими в мире жизнь нашу и во всем благом благое поспешение испроси, вся к животу и благочестию потребная нам даруя, яко да тихое и безмолвное житие поживем во всяком благочестии и чистоте, и тако в вечный достигнем покой, идеже сподобимся Небеснаго Царствия Христа Бога нащего, Емуже всякая, слава подобает, со Отцем и Пресвятым Его Духом, ныне и присно и во веки веков.

Святители Спиридону Тримифуитскому

О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа, и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя И блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.

Святителю Митрофану Воронежскому

О святителю Отче Митрофане! Приими сие малое моление от нас, грешных раб Божиих (имена), к тебе прибегающих, и теплым твоим предстательством умоли Господа и Бога нашего, Иисуса Христа, яко да подаст нам согрешений наших прощение и избавит нас от бед, печалей, скорби и болезней душевных и телесных, обдержащих нас; да додаст вся на пользу настоящаго жития нашего потребная; да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего, во еже со всеми святыми слави-и Его безконечное милосердие, со Безначальным Его Отцем и Святым и Животворящим Его Духом, во веки веков.

Преп. Сергию Радонежскому

О преподобие и богоносне отче нащ Сергие! Воззри на нас (имена) милостивно и, к земли приверженных, возведи к высоте небесней. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всеми коемуждо благопотребен и вся ны споспешествующими твоими молитвами сподоби в день Страшнаго суда шуия части избавитися десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Св. праведному Иоанну Кронштадтскому

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь; да ходатаем и присным молитвенником за нас, рабов Божиих (имена), будешь. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся.

Ты же, отче праведный, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует.

О святче Божий, помози нам веру православную непорочно соблюсти и заповеди Божии благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя.

Еще молим тя, отче праведне, о еже Церкви нашей Святей до скончания века утвержденной быти, Отечеству же нашему мир и пребывание испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Немже живем и движемся, и есмы, и пребудем во веки. Аминь.

Святым Ксенофофонту и Марии

О святии Ксенофонте и Марие со чадами вашими Аркадием и Иоанном! Се мы недостойнии и грешнии к вам усердно прибегаем и с упованием крепким молимся: милостивно услышите ныне глас наш молебный и потщитеся на помощь нашу, и ныне любовь вашу к нам, рабам Божиим (имена), явите благодатным действом богоприятных молитв ваших низпошлите и нам великую и богатую милость Господню, да воспоем и прославим дивнаго во святых Своих Бога, Отца и Сына и Святаго Духа, ныне и присно и во веки веков.

Св. мученикам Евстафию Планиде и Евфимии

О преславнии святии и многострадальнии великомученицы Христовы Евстафие и Евфимие! Услышите ны грешныя и недостойныя рабы Божии (имена), святую многострадальную память вашу празднующыя. Испросите нам у Господа многомощными молитвами вашими благодать, яже ко спасению, и всех грехов содеянных нами прощение, земли благоплодие, миру мирное устроение и от лютых диавольских козней свобождение, христианскую кончину жития нашего и немятежное чрез воздушная мытарства к небеси прохождение: вы бо прияли есте благодать сию от Господа, еже молитися за ны, и аще восхощете помиловати нас, почитающих священную память вашу, вся можете сотворити. Не презрите убо нас недостойных, святии великомученицы Евстафие и Евфимие. Испросите от Господа вся благая и полезная душам нашым, яко да и мы удостоимся купно с вами славити и воспевати всесвятое и великолепое имя Его во премирном Царствии Небеснем; идеже есть всех святых жилище, во веки веков.

Святым праведным Богоотцем Иоакиму и Анне

О святии праведницы, Богоотцы Иоакиме и Анно! Молите Милосердаго Господа, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас, раб Божиих (имена), на путь покаяния, и на стези заповедей Своих да утвердит нас. Таже молитвами вашими в мире жизнь нашу сохраните, и во всех благих благое поспешение испросите, вся к животу и благочестию потребная нам от Бога дарующе, от всяких напастей и бед и внезапныя смерти предстательством вашим нас избавляюще и от всех враг видимых и невидимых защищающе, и тако в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже, со Отцем и Пресвятым Духом, подобает всякая слава, честь и поклонение во веки веков.

Преп. Кириллу и Марии, родителям преп. Сергия Радонежского

О раби Божий, схимонаше Кирилле и схимонахине Марие! Внемлите смиренному молению нашему. Аще бо временное житие ваше скончали есте, но духом от нас не отступаете, присно по заповедем Господним шествовати нас научающе и крест свой терпеливо носити нам пособствующе. Се бо вкупе со преподобным и богоносным отцем нашим Сергием, вашим возлюбленным сыном, дерзновение ко Христу Богу и ко Пречистой Его Матери стяжали есте. Темже и ныне будите молитвенницы и ходатаи о нас, недостойных рабах Божиих (имена). Будите нам заступницы крепции, да верою живуще, заступлением вашим сохраняеми, невредими от бесов и от человек злых пребудем, славяще Святую Троицу, Отца и Сына и Святаго Духа, ныне и присно и во веки веков. Аминь.

Святым Петру и Февронии Муромским

О угодницы Божий, благовернии княже Петре и княгине Февроние, к вам прибега-м и к вам со упованием крепким молимся: вознесите о нас, грешных (имена), святыя молитвы ваши ко Господу Богу и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние. И ходатайствуйте нам у Царя Небеснаго житие благополучное и добрую христианскую кончину. Ей, чудотворцы святии! Не презрите молитв наших, но будите о нас приснии предстателие ко Господу, и сподобите нас помощию вашею спасение вечное получити и Царствие Небесное унаследовати, да славословим неизреченное человеколюбие Отца и Сына и Святаго Духа, в Троице покланяемаго Бога во веки веков.

Святым сорока мученикам Севастийским

О страстотерпцы Христовы, во граде севастиистем мужественно пострадавший, к вам яко молитвенникам нашим усердне прибегаем и просим: испросите у Всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову и вашим предстательством одесную Праведного Судии предстанем. Ей, угодницы Божии, будите нам, рабам Божиим (имена), защитницы от всех враг видимых и невидимых, Да под кровом святых ваших Молитв избавимся от всех бед, зол и напастей до последнего дне жизни нашея, и Тако прославим великое и достопоклоняемое имя Вседетельныя Троицы, Отца и Сына и Святаго Духа, ныне и присно и во веки веков. Аминь.

Св. мученикам Гурию, Самону и Авиву

О преславнии мученицы Гурие, Самоне и Авиве! Защитите нас, раб Божиих (имена), от напастей злых человек и козней демонских: оградите нас от нечаяныя смерти, избавите от огня, меча и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити, со Отцем и Святым Духом, во веки веков.

Святой блаженной Ксении Петербургской

О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже Прежде к надгробию твоему недужнии и скорбнии припадавший и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.

Святителю Алексию Московскому

О священнейший отче, святителю Христов Алексие, пастырю и учителю наш, не отрини нас (имена), с верою притекающих к твоему заступлению, но скоро потщися помолитися Царю царствующих и Господу господствующих, да избавит стадо Свое от волков, губящих е, и всяку страну христианскую огради и сохрани святыми твоими молитвами от мирского мятежа и труса, нашествия иноплеменник и междоусобныя брани, от глада же и губительства, потопа, и меча, и огня, и напрасныя смерти, и якоже исцелением от слепоты царицы агарянския. спасл еси отечество твое, тако помилуй и нас, умом, словом и делом во тьме греховней сущих, и избави нас гнева Божия и вечныя казни, яко да твоим ходатайством и помощию, Своим же милосердием и благодатию, Христос Бог тихое и безгрешное житие даст нам пожити в веце сем и на Страшнем судище Своем сподобит деснаго стояния со всеми святыми. Аминь.

Священномученику Антипе Пергамскому

О преславньгй священномучениче Антипо и скорый помощниче христианом в болезнех! Верую от всея души и помышления, яко дадеся тебе от Господа дар болящия исцеляти, недугующия врачевати и раэслабленныя укрепляти. Сего ради к тебе, яко благодатному врачу болезней, аз, немощный, прибегаю и, твой досточтимый образ со благоговением лобызая, молюся: твоим предстательством у Царя Небеснаго испроси мне, болящему, исцеление от удручающия мя зубныя болезни. Аще бo и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел ко благому житию, уврачуй обильно дарованною тебе благодатию язвы и струны души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити всесвятое имя Отца и Сына и Святаго Духа, во веки веков. Аминь.

Св. великомученику Артемию

Святый угодниче Божий, Артемие праведный! Призри милостивно на усердную молитву нас, грешных (имена), и твоим благомощным предстательством прощение согрешений наших у Господа испроси, преспеяние же в вере и благочестий и от козней диавольских ограждение исходатайствуй нам. Наипаче же моли Господа, да сподобит всех нас по христианской кончине Небесное Царствие получити, идеже вей праведнии купно с тобою славят Отца и Сына и Святаго Духа во веки веков.

Преп. Серафиму Саровскому

О преподобне отче Серафиме! Вознеси о нас, рабех Божиих (имена), благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенйо внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков.

Преподобному Марону Сирийскому

О преподобне и богоносне отче наш Мароне! Назирай свыше мидлостивно и молися Владыце Милостивому и Всещедрому всех благ Подателю Богу о соблюдении страны нашея от неверия и развращения. Буди молебник и о нас, грешных! Ко Владыце Господу честнии твои руце в час сей простри и от Него милость и щедроты испроси, и приими ны (имена), во свое ходатайство и заступление, от всех бед и лютых болезней сохрани и от всяких страстей свободи, и от нестерпимыя и неутешимыя огневицы и трясавицы молитвами твоими избави нас, и от нападения бесов, от видимых и невидимых врагов соблюди, и согрешением нашим прощения испроси, и спасены Христу нас представи, во еже, в день Страшнаго суда, с радостию предстати нам пред лицем неизреченный славы Его, и милостивное призвание в Царство Небесное от Него услышати, и в неизреченней радости зрети преславную Его лица доброту сподоби благодатию и человеколюбием Господа Бога и Спаса нашего Иисуса Христа. Яко держава Его благословена и препрославлена, со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.

Святителю Димитрию Ростовскому

О святителю Димитрие, великий угодниче Христов, златоусте Российский! Услыши нас грешных, молящихся тебе, и принеси молитву нашу к Человеколюбцу Богу о рабах Божиих (имена). Умоли Его благосердие, да не осудит нас по беззаконием нашим, но да сотворит с нами по милости Своей. Испроси нам у Христа Бога нашего мирное и безмятежное житие, здравие душевное и телесное. Даруй нам богоугодно прейти поприще временныя жизни, избави нас от воздушных мытарств и настави нас на путь, ведущий в селения праведных: подаждь нам твое архипастырское и святое благословение, да оным осеняеми, избавимся от козней лукаваго и избегнем от всякой беды и напасти. Услыши моление наше, отче Димитрие, и моли непрестанно о нас Всесильнаго Бога, славимаго и покланяемаго в трёх ипостасех, Емуже подобает всякая слава, честь и держава во веки веков.

Преп. Давиду Гареджийскому

О всесветле, богохвальне, авва Давиде, святче Божий! Ты силою благаго законоположения явился еси нам, кознями лукаваго связанным и обуреваемым, яко наставник в покаянии и помощник в молитве. Того ради дано тебе множество даров благодати и чудотворения, разрешения грех наших и пре: грешений оставление, болезней исцеление и диавольских наветов отгнание. Темже твоею отеческою милостиюв богоцарственном разумении, многотрудными молитвами и моленьми твоими, наипаче же непрестанным твоим заступлением о нас, рабех Божиих (имена), да возставит Господь Бог ны, во грех впадшие, силою Своею непобедимою на всякаго видимаго и невидимаго врага, дабы благодаряще совершая святую память твою, желанием возжелали мы покланятися Превечному Богу в Троице Единому, Отцу и Сыну и Святому Духу, ныне и присно и во веки веков. Аминь.

Преп. Александру Свирскому

О преподобне и богоносне отче наш Александре! Испроси нам вся к житию сему временному благопотребная, паче же к вечному спасению нашему нужная. Буди нам, рабам Божиим (имена), чудотворче святый, во всякой скорби и обстоянии скорый помощник. Наипаче же в час кончины нашея явися нам заступник благосердый, да не предани будем на мытарствах воздушных власти злобнаго миродержца, но да сподобимся непреткновеннаго восхода во Царствие Небесное. Ей, отче, молитвенниче.наш присный! Не посрами упования нашего, не презри смиренных молений наших, но присно о нас пред престолом Живоначальныя Троицы предстательствуй, да сподобимся вкупе с тобою и со всеми святыми, аще и недостойни есмы, в селениих райских славити велите, благодать и милость Единаго в Троице Бога, Отца и Сына и Святаго Духа, во веки веков.

Преп. Иринарху, затворнику Ростовскому

О преподобие отче Иринарше! Се мы молим тя усердно: буди ходатай наш присный, испроси нам, рабам Божиим (имена), от Христа Бога мир, тишину, благоденствие,

здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушений врага темнаго, да все мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

Святым седми отрокам во Ефесе

О пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя. Низведите на ня благословение Христа Бога, рекшаго: оставите детей приходити ко Мне. Болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастати. И всех нас, святей иконе вашей предстоящих рабов Божиих (имена), и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа, во веки веков. Аминь.

Великомученику Пантелеймону, святым Косме и Дамиану, св. мученикам Киру и Иоанну, священномученику Ермолаю, св. мученику Диомиду, св. мученикам Фотию и Аниките

О великие Христовы угодницы и чудотворцы Пантелеймоне, Космо и Дамиане, Кире и Иоанне, Ермолае, Диомиде, Фотие и Аникито! Услышите нас, вам молящихся (имена). Вы весте наши скорби и недуги, слышите воздыхания множества к вам притекающих. Сего ради к вам яко скорым помощникам и теплым молитвенникам нашим зовем: не оставляйте нас вашим у Бога ходатайством. Мы присно заблуждаем от пути спасения, руководите нас, милостивые наставницы. Мы немощны есмы в вере, утвердите нас, правоверия учители. Мы зело убози сотворихомся добрых дел, обогатите нас, благосердия сокровища. Мы присно наветуеми есмы от враг видимых и невидимых и озлобляеми, помозите нам, безпомощных заступницы. Гнев праведный, движимый на ны за беззакония наша, отвратите от нас вашим ходатайством у престола Судии Бога, Емуже вы предстоите на небеси, святые праведницы. Услышите, молим вас, велиции Христовы угодницы, вас с верою призывающия и испросите молиттвами вашими у Отца Небеснаго всем нам прощение грехов наших и от бед избавление. Вы бо помощницы, заступницы и молитвенницы, и о вас славу возсылаем Отцу и Сыну и Святому Духу, ныне и присно и во веки веков.

Св. мученику Полиевкту

О святый мучениче Полиевкте! Услыши ныне нас, к тебе усердно молящихся. Молисяо нас, рабех Божиих (имена), да избавимся от всяких скорбей, болезней, бед и обстояний и благочестно поживем в настоящем житии, ходяще в заповедех и оправданиих Господних безпорочно. Испроси нам грехов прощение, телесем здравие, жития исправление и вечное спасение, яко да твоим теплым предстательством спасаеми, славу возсылатй сподобимся в Троице славимому Богу нашему, Отцу и Сыну и Святому Духу, ныне и присно и во веки веков.

Св. апостолу Фоме

О святый апостоле Христов Фомо! Молим тя: сохрани и соблюди нас молитвами твоими от искушений диавольских и падений греховных и испроси нам, рабам Божиим (имена), свыше помощь во время неверия, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестнои богоугодно житие сие временное скончати, христианскую кончину получити и добраго ответа сподобитися на Страшнем Суде Христове; да прославим великолепое имя Отца и Сына и Святаго Духа, во веки веков.

Святителю Тихону Задонскому

О святителю, отче наш Тихоне! Услыши нас и потщися благоприятным твоим ходатайством умолити Господа, да пробавит Своя великия и богатыя Милости на Нас, грешных и недостойных рабех Своих (имена), да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениях наших и да избавит ны от вечных мук и огня геенскаго, да дарует в нынешнем веце мир и тишину, здравие и спасение, да тако сподобимся, со Ангелы и со всеми святыми, славити и воспевати всесвятое имя Отца и Сына и Святаго Духи, во веки веков.

Святителю Иоанну Златоусту

О святителю великий Иоанне Златоусте! Многая и различная дарования от Господа Прийлёсйи, яко раб благий и верный, вся данныя тебе таланты добре умножил еси, сего ради воистину вселенский учитель был еси, якб всяк возраст и всяко звание от тебе поучается. Мы же, грешнии (имена), по единому кийждо свое дарование имуще, единения духа в союзе мира не имамы, но бываем тщеславии, друг друга раздражающе, друг другу завидяще; сего ради дарования, наша не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку злобу, недоброжелательство, гордость и зависть, нас разделяющия, да во мнозех удех едино тело церковное невозбранно пребудем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно, и во веки веков. Аминь.

Преп. Ефрему Сирину

О угодниче Христов, отче наш Ефреме! Принеси молитву нашу к милостивому и всесильному Богу и испроси нам, рабам Божиим (имена), у благости Его вся яже на пользу душам и телесем нашим, веру праву, надежду несумненну, любовь нелицемерну, кротость и незлобие, во искушениях мужество, в злостраданиях терпение, во благочестии преспеяние, да не во зло обратим дары Всеблагаго Бога. Не забуди, чудотворче святый, и святый храм (дом) сей и приход наш: сохрани и соблюди их молитвами твоими от всякаго зла. Ей, святче Божий, сподоби нас кончину благую улучити и Царствие Небесное унаследити, да прославим дивнаго во святых Своих Бога, Емуже подобает всякая слава, честь и держава, во веки веков.

Св. мученику Вонифатию

О многострадальный и всехвальный мучениче Вонифатие! Ко твоему заступлению ныне прибегаем. Молений наших не отвержи, но милостиво услыши нас. Исцели братию и сестры наша (имена), тяжким недугом пиянства одержимыя, и того ради от матере своея Церкви Христовой и вечнаго спасения отпадающия. О, святый мучениче Христов, коснися сердец их данною ти от Бога благодатию, скоро возстави от падении греховных и ко спасительному воздержанию приведи их. Умоли Господа Бога, Егоже ради и страдал еси, да простив нам согрешения наша, не отвратит милости Своея от людей Своих, но да укрепит нас в трезвости и целомудрии, да поможет Своею десницею трезвящимся спасительный обет свой до конца сохранити, да во дни и в нощи о Нем бодрствующе и добрый ответ о Нем воздати на Страшном судище. Приими, угодниче Божий, молитвы матерей, о чадех своих слезы проливающих; жен честных, о мужех рыдающих; чад сирых и убогих, пияницами оставленных; всех нас, к иконе твоей припадающих, да приидет сей вопль молитвами твоими ко Престолу Всевышняго. Покрый и соблюди нас от лукаваго ловления и всех козней вражиих. В страшный час исхода нашего помоги прейти непреткновенно воздушныя мытарства, молитвами твоими избави нас вечнаго осуждения, и да покрыет нас милость Божия, в нескончаемые веки веков. Аминь.

Свт. Вонифатию Милостивому

О всесвятой Вонифатий, милостивый раб Милосердного Владыки! Услышь прибегающих к тебе, одержимых пагубным пристрастием к винопитию и, како своей земной жизни ты никогда не отказывал в помощи просящим тебя, так и теперь избавь этих несчастных (имена). Аминь.

Преп. Моисею Мурину

О преподобный, ты от тяжких грехов достиг пречудных добродетелей, помоги молящимся тебе рабам Божиим (имена), влекомым в погибель оттого, что предаются безмерному, вредному для души и тела употреблению вина. Склони на них свой милостивый взор, не отклони и не презри их, но внемли им, прибегающим к тебе. Моли, святой Моисей, Владыку Христа, чтобы не отверг их Он, Милосердный, и да не возрадуется диавол их погибели, но да пощадит Господь этих безсильных и несчастных, которыми овладела пагубная страсть пиянства, ведь мы все Божий создания и искуплены Пречистою Кровию Сына Его. Услышь же, преподобный Моисей, их молитву, отгони от них диавола, даруй им силу победить страсть, помоги им, простри твою руку, выведи их на путь добра, освободи их от рабства страстей и избавь их от винопития, чтобы они, обновленные, в трезвении и светлом уме возлюбили воздержанней благочестие, и вечно прославляли Всеблагого Бога, всегда спасающего Свои создания. Аминь.

Св. Архистратигу Божию Михаилу

О святый Михаиле Архангеле, помилуй нас, грещных, требующих твоего заступления, сохрани нас, раб Божйих (имена), от всех видимых и невидимых враг, паче же подкрепи от ужаса смертного и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас Тамо купно с тобою славити Отца и Сына и Святаго Духа во веки веков.

Преподобному Макарию Великому

О преподобие отче Макарие! Молим тя мы, недостойные, испроси предстательством твоим у Всемилостиваго Бога нашего нам здравие душевное и телесное, тихое и богоугодное житие и добрый ответ на Страшнем Суде Христове. Угаси молитвами твоими разжженые на рабов Божиих (имена) стрелы диавольския, да не прикоснется нам злоба греховная, да благочестно скончавше временное житие, сподобимся наследовати Царствие Небесное и купно с тобою славити Отца и Сына и Святаго Духа во веки веков. Аминь.

Преподобному Антонию Великому

О великий угодниче Божий, преподобие отче Антоние! Яко имеяй дерзновение ко Владыце Христу и ко Пречистей Его Матери, буди о нас, нелостотых (имена), молитвенник теплый, заступая нас от всяких бед и напастей, да твоими молитвами невредимы от враг видимых и невидимых пребудем. Моли милосердие Божие, да спасет нас от прегрешений наших, имиже веси судьбами. Моли благость Его, еже милостивно храму (дому) сему потребная подавати, жизнь нашу умирити и вся прихожаны храма сего помиловати, и спасти души наша, да непрестанно славим, хвалим, поем и величаем пречестное и великолепое имя Отца и Сына и Святаго Духа ныне и присно, и во веки веков. Аминь.

Священномученику Киприану и мученице Иустине

О святие священномучениче Киприане и мученице Иустина! Внемлите смиренному молению нашему. Аще бо временное житие ваше мученически за Христа скончали есте, но духом от нас не отступаете есте, присно по заповедем Господним шествовати нас научающе и крест свой терпеливо нести нам пособствующе. Се, дерзновение ко Христу Богу и Пречистей Его Матери стяжали есте. Темже и ныне будите молитвенницы и ходатаи о нас, недостойных (имена). Будите нам заступницы крепции, да заступлением вашим сохраняеми невредимы от бесов, волхвов и от человек злых пребудем, славяще Святую Троицу: Отца и Сына и Святаго Духа, ныне и присно, и во веки веков. Аминь.

Св. мученице Татьяне

О святая мученице Татиано, приими ныне нас, молящихся и припадающих к святой иконе твоей. Молися о нас, рабех Божиих (имена), да избавимся всяких скорбей и болезней душевных и телесных и благочестие поживем в настоящем житии, и в будущем веке сподоби нас со всеми святыми поклонятися в Троице славимому Богу, Отцу и Сыну и Святому Духу, ныне и присно и во веки веков. Аминь.

Московским святым

О, преподобнии и богоноснии отцы наши Московские, пастырие и учителие, постницы и исповедницы, земнии ангелы, небеснии человецы: великие святителие Петре, Алексие, Ионо, Филиппе, Ермогене, Иннокентие, Иове, Тихоне, Макарие, Филарете и Стефане Пермский; преподобнии Сергие, Никоне, Михее и прочие Радонежские чудотворцы; преподобнии схимонаше Кирилле и схимонахине Марие; преподобный Андроник, преподобнии Афанасие Высоцкий, Савво Сторожевский и Савво Стромынский; царевиче Димитрие, преподобная мати Евдокие (Евфросиния), преподобне отче Ферапонте Можайский и преподобне отче Андрее (Рублев); святии благоверные чудотворцы княже Данииле Московский и Димитрие Донской; блаженнии юродивые Христа ради Василие, Иоанне и Максиме Московские чудотворцы; преподобномученице и Великая Княгине Елисавето и инокине Варваро и все новомученицы и исповедницы Московские, к вам прибегаем, вам молимся и мили ся деем, не забудите нас, прибегающих к вам, будите молитвенницы о приходе сем (храме сем, доме сем); мы же, яко немощны суще, ничтоже можем творити без вашего заступления, просим предстательства вашего о нас, недостойних, пред Господом Богом, в бедах утешения, в несчастий покровительства, в обидах заступления и во всех приключающихся злых радости и упования, темже не яко неключими раби, но яко ваши сынове да пребудем и молитвами вашими живот вечный в Царствии невечернем наследим. Аминь.

Всем святым, в земле Российстей просиявшим

О, преславнии и всехвальнии угодницы Божии, вси святии ведомыя и неведомыя в земле Российстей просиявшии! К вам, яко к теп-лым ходатаям и предстателям нашим с лю-бовию прибегаем и смиренно молимся: умолите Господа Бога, да вашими благоприятными молитвами, Своим же человеколюбием да дарует нам (имена) тихое и благочестное житие в веце сем пожити, да избавит нас от искушений и соблазнов лукаваго диавола и от бед и напастей, и от всякаго зла; на Страшнем же суде Своем да сподобит нас деснаго стояния и наследники Царствия Своего Небеснаго да сотворит, яко благословися пречестное и великолепое имя Отца и Сына и Святаго Духа, ныне и присно и во веки веков. Аминь.

Молитва по призывании святых

Боже Святый и во святых почивающий! Воспоминая святых Твоих и их богоугодное похваляя житие, Тебе Самаго в них действовавшаго, прилежно молю Тя: даждь мне, грешному, последовати их учению, привету, вере, долготерпению, любви, и их молитвенным пособием, паче же Твоею вседействующей благодатию, небесныя с ними сподобитися славы и хвалити пресвятое имя Твое, Отца и Сына и Святаго Духа, во веки. Аминь.

Источник: http://zaveru.orthodoxy.ru/molitv.htm

http://zaveru.orthodoxy.ru/molitv.htm

МОЛИТВЫ ВО ВСЯКОЙ НУЖДЕ

Молитва за самоубийц

Молитва о даровании детей бесплодным супругам

От пьянства молитва праведного Иоанна Кронштадского

Молитва перед учением

Молитва о умерших не крещеный младенцев

Молитва о заключенных

О путешествующих молитва

О болящем молитва

85 молитв к различным святым

 

Молитва за самоубийц

По 14 правилу Тимофея Александрийского в церкви не может быть приношения за самоубийц. Т.е. в церкви их не поминают и за них не молятся. Но что делать убитым горем близким? – молится дома. Известный оптинский старец Леонид, скончавшийся в 1841 году, дал такое наставление своему ученику Павлу Тамбовцеву, обратившагося к нему за утешением по случаю самоубийства отца: «Вручай как себя, так и участь своего родителя воле Господней, премудрой и всемогущей… Молись преблагому Создателю, исполняя тем долг любви и обязанности сыновней… по духу добродетельный и мудрых так»:

Взыщи, Господи, погибшую душу отца моего и, аще возможно, помилуй! Неизследимы судьбы Твои. Не постави мне в грех сей молитвы, но да будет святая воля Твоя!

Молитва о даровании детей бесплодным супругам

Услышь нас, Милосердый и Всемогущий Боже, да молением нашим ниспослана будет благодать Твоя. Будь милостив, Господи, к молитве нашей, воспомяни закон Твой о умножении рода человеческого и будь милостивым Покровителем, да Твоею помощию, сохранится Тобою же установленное. Ты властною силою Твоею из ничего все сотворил и положил начало всего в мире существующего, сотворил и человека по образу Своему и высокою тайною освятил союз супружества в предуказании тайны единения Христа с Церковью. Призри, Милосердый, на рабов Твоих сих (имя рек), союзом супружеским соединенных и молящих о Твоей помощи, да будет на них милость Твоя, да будут плодовиты, и да увидят они сыны сынов своих даже до третьего и четвертого рода, и до желаемой старости доживут, и войдут в Царство Небесное через Господа нашего Иисуса Христа, Которому всякая слава, честь и поклонение подобает со Святым Духом во веки. Аминь.

От пьянства молитва святого праведного Иоанна Кронштадского

Господи, призри милостивно на раба твоего (имя рек), прельщенного лестию чрева и плотскаго веселия; даруй ему познати сладость воздержания в посте и проистекающих от него плодов. Аминь.

Молитва перед учением

Преблагий Господи, ниспосли нам благодать Духа Твоего Святаго, дарствующаго смысл и укрепляющего душевные наши силы, дабы, внимая преподаваемому нам учению, возрасли мы Тебе, нашему Создателю, во славу, родителем же нашим на утешение, Церкви и отечеству на пользу. Аминь.

Молитва о умерших не крещеный младенцев

Господи, помилуй чад моих, умерших во утробе, за веру и слезы мои, ради милосердия Твоего. Господи, не лиши их света Твоего Божественного. Аминь.

Молитва о заключенных

Господи Иисусе Христе Боже наш, святаго апостола твоего Петра от уз темницы без всякого вреда свободивый, приими, смиренно молим Ти ся, жертву сию милостивно во оставление грехов раба Твого (имя рек), в темницу всажденного, и молитвами его, яко Человеколюбец всесильною Твоею десницею от всякого злаго обстояния избави и на свободу изведи. Аминь.

О путешествующих молитва

Господи Иисусе Христе Боже наш, истинный и живый путю, состранствовати мнимому Твоему отцу Иосифу и Пречистей Ти Деве Матери во Египет изволивый, и Луце и Клеопе во Еммаус спутешествовавый! И ныне, смиренно молим Тя, Владыко Пресвятый, и рабом Твоим сим (имя рек) Твоею благодатию спутешествуй. И яко же рабу Твоему Товии, Ангела хранителя и наставника посли, сохраняюща и избавляюща их от всякого злаго обстояния видимых и невидимых врагов, и ко исполнению заповедей Твоих наставляюща, мирно же и благополучно и здравопрепроваждающа, и паки цело и безмятежно возвращающа; и даждь им все благое свое намерение ко благоугождению Твоему благополучно в славу Твою исполнити. Твое бо есть, еже миловати и спасати нас, и Тебе славу возсылаем со Безначальным Твоим Отцем и со Пресвятым и Благим и Животворящим Твоим Духом, ныне и присно и во веки веков. Аминь.

О болящем молитва

Владыко Вседержителю, Святый Царю, наказуяй и неумерщвляяй, утверждаяй ниспадающия и возводяй низверженныя, телесныя человеков скорби исправляяй, молимся Тебе, Боже наш, раба твоего (имя рек) немоществующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе ниспосли, прикоснися телеси, угаси огневицу, укроти страсть и всяку немощь таящуюся, буди врач рабу Твоему (имя рек), воздвигни его от одра болезненного и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

85 МОЛИТВ КО СВЯТЫМ

Собору двенадцати Апостолов

Св. равноапостольным Кириллу и Мефодию

Св. равноапостольному князю Владимиру

Св. равноапостольной княгине Ольге

Преп. Даниилу Московскому

Св. равноапостольным Константину и Елене

Св. благоверному князю Вячеславу Чешскому

Св. князю Олегу Брянскому

Святой равноапостольной Нине, просветительнице Грузии

Св. Архангелу Гавриилу

Преп. Антонию, Феодосию и прочим отцам Киево-Печерским

Свт. Феодосию, архиепископу Черниговскому

Св. великомученику Никите

Св, мученицам Вере, Надежде, Любви и матери их Софии

Св. мученику Леониду и мученицам Хариессе, Нике, Галине, Калисе, Нунехии, Василиссе, Феодоре, Ирине и иже с ними пострадавшим

Св. мученику Иоанну Воину

Св. царице Грузинской Тамаре

Св. великомученику Димитрию Солунскому

Св. Архангелу Рафаилу

Преп. Сергию и Герману Валаамским

Святителю Арсению Тверскому, св. князю Михаилу Тверскому, преп. Ефрему и Аркадию Новоторжским, св. Анне Каийиской, преп. Нилу Столобенскому

Св. благоверным князем Александру Невскому и Димитрию Донскому

Святителям Василию Великому, Григорию Богослову и Иоанну Златоустому

Св. первомученику архидиакону Стефану

Святым женам-мироносицам

Св. первоверховным апостолам Петру и Павлу

Св. пророку Божию Илии

Св. великомученице Варваре

Преп. Тихону Калужскому

Св. Алексию, человеку Божию

Блаженным Василию, Максиму и Иоанну, юродивым Московским

Свт. Иоасафу Белгородскому

Святым мученикам Адриану и Наталии

Священномученику Харалампию

Псковским преподобным

Св. праведному Иоанну Русскому Исповеднику

Преподобной Марии Египетской

Преподобному Никандру Псковскому

Св. великомученику Феодору Стратилату

Преп. Зосиме и Савватию Соловецким

Св. мученикам Антонию, Иоанну и Евстафию Виленским

Святым страстотерпцам Борису и Глебу

Св. апостолу и евангелисту Иоанну Богослову

Св. Анастасии Узорешительнице

Св. великомученице Екатерине

Св. праведному Симеону Богоприимцу

Святители Спиридону Тримифуитскому

Святителю Митрофану Воронежскому

Преп. Сергию Радонежскому

Св. праведному Иоанну Кронштадтскому

Святым Ксенофофонту и Марии

Св. мученикам Евстафию Планиде и Евфимии

Святым праведным Богоотцем Иоакиму и Анне

Преп. Кириллу и Марии, родителям преп. Сергия Радонежского

Святым Петру и Февронии Муромским

Святым сорока мученикам Севастийским

Св. мученикам Гурию, Самону и Авиву

Святой блаженной Ксении Петербургской

Святителю Алексию Московскому

Священномученику Антипе Пергамскому

Св. великомученику Артемию

Преп. Серафиму Саровскому

Преподобному Марону Сирийскому

Святителю Димитрию Ростовскому

Преп. Давиду Гареджийскому

Преп. Александру Свирскому

Преп. Иринарху, затворнику Ростовскому

Святым седми отрокам во Ефесе

Великомученику Пантелеймону, святым Косме и Дамиану, св. мученикам Киру и Иоанну, священномученику Ермолаю, св. мученику Диомиду, св. мученикам Фотию и Аниките

Св. мученику Полиевкту

Св. апостолу Фоме

Святителю Тихону Задонскому

Святителю Иоанну Златоусту

Преп. Ефрему Сирину

Св. мученику Вонифатию

Свт. Вонифатию Милостивому

Преп. Моисею Мурину

Св. Архистратигу Божию Михаилу

Преподобному Макарию Великому

Преподобному Антонию Великому

Священномученику Киприану и мученице Иустине

Св. мученице Татьяне

Московским святым

Всем святым, в земле Российстей просиявшим

Молитва по призывании святых

Собору двенадцати Апостолов

О святии апостоли Христовы: Петре и Андрее, Иакове и Иоанне, Филиппе и Варфоломее, Фомо и Матфее, Иакове и Иудо, Симоне и Матфие! Услышите наши молитвы воздыхания, сердцем сокрушенным нын приносимые и помозите нам, рабам Божиим (имена), вашим мощным пред Господом ходатайством, избавитиря от всякагозла и вражия лести, твердо же преданную вами веру православную сохрайяти, и ней же вашим предстательством, ни ранами, ни прещением, ни мором, ни коим гневом от Создателя нашего умалени будем, но мирное зде поживем житие и сподобимся видети благая на земли живых, славяще Отца и Сына и Святаго Духа, Единаго в Троице славимаго и покланяемаго Бога, ныне и присно и во веки веков.

Св. равноапостольным Кириллу и Мефодию

О святйи равноапостольнии Мефодие и Кирилле! Ныне к вам усердно прибегаем и в сокрушении сердец наших молимся: молите Господа, да наставит и обратит нас, на путь спасения. Не оставите нас, недостойных чад ваших (имена), дадите нам, молитвами вашими, о Правослаии ревность, да ею возгреваеми, отеческая предания добре сохраним, уставы и обычаи церковныя верно соблюдати потщимся, всяких лжеучений странных отбежим, и тако в житии богоугодном на земли преспевающе, жизни райския на небеси сподобимся, и тамо с вами вкупе Владыку всех, в Троице Единаго Бога, прославим во веки веков.

Св. равноапостольному князю Владимиру

О великий угодниче Божий, равноапостольный княже Владимире! Призри на немощи наши и умоли Премилосердаго Царя Небеснаго, да не прогневается на ны зело и да не погубит нас со беззаконьми нашими, но да помилует и спасет нас по милости Своей, да всадит в сердца наша покаяние и спасительный страх Божий, да просветит Своею благодатию ум наш, во еже оставити нам стези нечестия, и на путь спасения обратитися, неуклонно же заповеди Божия творити и уставы Святыя Церкве соблюдати. Моли, благосерде, Человеколюбца Бога, да явит нам великую милость Свою: да избавит нас от смертоносных болезней и от всякаго зла, да сохранит и спасет рабов Божиих (имена) от всех козней и наветов вражиих и да все мы сподобимся с тобою вечнаго блаженства, хваляще и превозносяще Бога во веки веков.

Св. равноапостольной княгине Ольге

О святая равноапостольная княгине Ольго, приими убо похвалу от нас, недостойных раб Божиих (имена), пред честною Твоею иконою молящихся и смиренно просящих: огради нас твоими молитвами и заступлением от напастей и бед, и печалей, и лютых грехов; еще же и от будущих мук избави ны, честно творящия святую память твою и славящия прославльшаго тя Бога, во Святей Троице прославляемаго, Отца и Сына ц Святаго Духа, ныне и присно и во веки веков,

Преп. Даниилу Московскому

О преподобие княже Данииле, к иконе твоей притекающе, усердно молим тя: призри на нас (имена), с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром приход сей и храм сей добре да сохранит, благочестие и любовь в людех православных насаждай, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвам твоими, яко да прославляем дивнаго во святых своих Христа Бога нашего вкупе со Отцем и Святым Духом во веки веков. Аминь.

Св. равноапостольным Константину и Елене

О святии равноапостольнии Константине и Елено! Избавите приход сей и храм наш от всякаго навета вражия и не оставите заступлением вашим нас, немощных (имена), умолите благость Христа Бога нашего даровати нам помыслов мир, от пагубных страстей и всякия скверны воздержание, благочестие же нелицемерное. Испросите нам, угодницы Божий, свыше дух кротости и смиренномудрия, дух терпения и покаяния, да прочее время жития нашего в вере и сокрушении сердечном поживём, и тако в час скончания нашего благодарно восхвалим прославльшаго вас Господа, Безначальнаго Отца, Единороднаго Его Сына и Единосущнаго Всеблагаго Духа, Троицу Нераздельную, во веки веков.

Св. благоверному князю Вячеславу Чешскому

О святый княже Вячеславе! Усердно просим тя молитися за ны, (имена), да простит Господь Бог наши согрешения вольные и невольные и очистит нас от всякия скверны плоти и духа, да избавит нас от козней диавола и сохранит от клеветы людския, да утвердит нас в истинной вере и благочестии, да соблюдет от суемудрых и душетленных учений, да сохранит сердца наша от соблазнов мира сего и да научит отвращаться от плотских страстей и похотей, да тако горняя мудроствовати, а не земная, прославляя Единосущную Троицу во веки и в век века. Аминь.

Св. князю Олегу Брянскому

О преподобие отче, благоверне княже Олеже! Воззри, преблаженне, милостивно на дом (приход) сей и люди, в нем живущия, и не отвержи требующих твоея помощи, не презри нас, молящихся тебе, но помози нам (имена) скорым предстательством твоим, да всяких бед, напастей и скорбей в сей жизни временней избежавше, кончину непостыдну обрящем, и тако на земли богоугодно поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

Святой равноапостольной Нине, просветительнице Грузии

О всехвальная и предивная равноапостольная Нино, к тебе прибегаем и умильно тебе просим: огради нас (имена) от всяких зол и скорбей, вразуми врагов святыя Церкви Христовы и посрами противников благочестия и умоли Всеблагаго Бога Спасителя нашего, Емуже ты ныне предстоиши, да дарует народу православному мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже все святии славословят всесвятое Его имя, ныне и присно и во веки веков. Аминь.

Св. Архангелу Гавриилу

О святый Архангеле Гаврииле! Всеусердно молим тя, настави нас, раб Божиих (имена), к покаянию от злых дел и ко утверждению в вере нашей, укрепи и огради души наша от искушений прельстительных и умоли Создателя нашего о отпущении грехов наших. О святый великий Гаврииле Архангеле! Не презри нас, грешных, молящихся тебе о помощи и заступлении твоем, в веце сем и в будущем, но присно помощник нам явися, да непрестанно славим Отца и Сына и Святаго Духа державу и твое предстательство во веки веков.

Преп. Антонию, Феодосию и прочим отцам Киево-Печерским

О угодницы Христовы, преподобнии отцы наши Антоние и Феодосие и все святии Киево-Печерстии, светильницы пресветлые, святостию иноческаго жития первые просиявшие на земле Российстей, покровители града Киева и всего отечества нашего! К вам, молитвенникам теплым и предстателям непостыдным, усердно притекаем, в. нуждах и скорбях наших утешения и помощи просяще. Помогите нам, рабам Божиим (имена), заступницы наши! Утвердите нас в вере святей, сохраните Церковь Божию от пагубных ересей и расколов, научите нас всегда творити заповеди Божия и вся предания церковная, от отец нам заповеданная, будите нам благосердые отцы и теплые молитвенницы, яко да прославим имя Живоначальныя Троицы, Отца и Сына и Святаго Духа во веки. Аминь.

Свт. Феодосию, архиепископу Черниговскому

О священная главо, святителю Феодосие! Услыши нас призывающих тя и припадающих Ко святей иконе твоей. Поминай Нас, раб Божиих (имена), у престола Вседержителева и не престай моляся о нас ко Христу Богу: тебе бо дадеся благодать молитися за ны. Испроси предстательством твоим у Всемилостиваго Бога нашего нам здравие душевное и телесное, тихое и богоугодное житие, благую христианскую кончину и добрый ответ на Страшнем суде Христове и Царствия Небеснаго наследники быти покажи, да прославим имя Отца и Сына и Святаго Духа, во веки веков.

Св. великомученику Никите

О великий Христов страстотерпче Никито! Услыши молитву нас, грешных, и избави нас (имена) от всякия печали и находящия напасти, от внезапныя смерти и от всякаго зла: в час же разлучения души от тела отжени, страстотерпче, всякую лукавую мысль и лукавыя бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков.

Св, мученицам Вере, Надежде, Любви и матери их Софии

О святыя мученицы Веро, Надежде и Любы, и мудрая мати Софие! К вам ныне со усердною молитвою притекаем. Умолите убо Господа, да в скорбех и напастех неизреченною благодатию Своею покрыет ны, раб Своих (имена), и сохранит, и Того славу, яко солнце незаходимое, эрети да сподобит. Споспешествуйте нам во смиренных молениих наших, да простит Господь Бог грехи и беззакония наша, и да помилует нас, грешных, и щедрот Своих да сподобит нас Христос Бог, Емуже славу возсылаем, со Безначальным Его Отцем, и Пресвятым и Благим и Животворящим Его Духом, ныне и присно и во веки веков.

Св. мученику Леониду и мученицам Хариессе, Нике, Галине, Калисе, Нунехии, Василиссе, Феодоре, Ирине и иже с ними пострадавшим

О святии мученицы! Прострите благоприятныя молитвы ваша ко Господу и Создателю нашему умолите Его благость даровати нам (имена) вся к вечному спасению потребная, таже и к житию сему временному нужная: веруем бо несомненно, яко вся возможна вам, яко истинным Его угодником. Ей, чудотворцы святии! Не посрамите упования нашего, но молитвами вашими сотворите нас наследники быти Царствия Христова, да прославляем человеколюбие в Троице славимаго и покланяемаго Бога, Отца и Сына и Святаго Духа, и ваше святое заступление, во веки веков,

Св. мученику Иоанну Воину

О преславный угодниче Христов Иоанне Воине! Храбр был еси в ратех, врагом прогонитель и обидимых заступник, ныне же и всем православным христианом скорый помощник являешися. Помяни нас, грешных и недостойных, и заступи нас в бедах и скорбех и печалех и во всякой злой напасти, и от всякаго злаго и обидящаго человека защити нас: тебе бо дана бысть от Бога благодать молитися за ны грешныя (имена), зле страждущия. О, великий поборниче, врагов прогонителю, христолюбиваго воинства покровителю и обидимых заступниче, Иоанне Воине! Не забуди нас грешных, молящихся тебе и твоея помощи и неоскудныя милости просящих, и сподоби ны грешныя и недостойныя неизреченная благая от Бога получити. Яко Тому подобает всякая слава, честь и поклонение, Отцу и Сыну и Святому Духу, ныне и присно и во веки веков.

Св. царице Грузинской Тамаре

О святая царице Тамаре! Не забуди нас, но поминай во святых твоих молитвах раб Божиих (имена), моли за ны, царице святая. Не отступи от нас духом, сохраняй нас от стрел вражиих, от прелести бесовския и козней диавольских. Испроси нам время на покаяние и невозбранно прейти от земли на небо чрез мытарства горьких бесов, да твоим предстательством от вечныя муки избавльшеся, Небесное Царствие наследовати сподобимся со всеми праведными, от века угодившими Христу Господу нашему: Емуже подобает всякая слава, честь и поклонение, ныне и в безконечныя веки веков.

Св. великомученику Димитрию Солунскому

Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.

Св. Архангелу Рафаилу

О святый Архангеле Рафаиле! Всеусердно молим тя, буди нам путеводитель в жизни нашей, сохрани от всех видимых и невидимых враг, исцели душевныя и телесныя болезни наша, управи жизнь нашу к покаянию во гресех и ко творению добрых дел. О, святый великий Рафаиле Архангеле! Услыши нас, грешных раб Божиих (имена), молящихся тебе, и сподоби в здешней и будущей жизни благодарити и славити общаго Создателя нашего в безконечныя веки веков.

Преп. Сергию и Герману Валаамским

О преподобнии и Богоноснии отцы наши Сергие и Германе! С верою и любовию припадающе к святей иконе вашей, умиленно молим вас: не забудите нас, недостойных и грешных (имена), но предстательством вашим оградите нас от злых козней вражиих: утолите возстание страстей: укрепите немощь нашу в духовных бранех и подвизех, предлежащих нам: отжените всякое уныние и печаль греховную от сердец наших, и небесное утешение низпослите нам во трудех и скорбех наших. В страшный же час смертный предстаните всем нам, яко же блазии ходатаи и темных зраков демонских прогонителие: да в мире и покаянии скончавше земное поприще наше, достигнем и вечных благ наслаждения, и купно с вами да воспоем и прославим всесвятое имя Отца и Сына и Святаго Духа, ныне и присно и вовеки веков. Аминь.

Святителю Арсению Тверскому, св. князю Михаилу Тверскому, преп. Ефрему и Аркадию Новоторжским, св. Анне Каийиской, преп. Нилу Столобенскому

О святителю Арсение, святый княже Михаиле, преподобные Ефреме и Аркадие, святая благоверная княгине Анно и преподобне отче наш Ниле! Испросите нам, рабам Божиим (имена), у Господа Бога предстательством вашим мир, здравие, долгоденствие и во всем благоспешество. Будите нам помощницы вся, яже ко спасению и пользе нашей, восприяти: охраняйте нас от искушений и напастей, во временней жизни приходящих, и не лишите нас ходатайства вашего ко Христу Богу, во еже получити нам прегрешений прощение и сподобитися небеснаго селения сб избранными Его, яко да и в сем славится пречестное и великолепое имя Его во веки веков.

Св. благоверным князем Александру Невскому и Димитрию Донскому

О святые благоверные князи Александре и Димитрие! Призрите милостивно на ны, недостойныя рабы Божии (имена), и исходатайствуйте нам житие тихое и безмятежное, и к вечному Царствию шествие неуклонное вашим предстательством устройте нам, да сохранит нас Господь Бог Своею благодатию в мире, здравии, долгоденствии и Всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно, и во веки веков.

Святителям Василию Великому, Григорию Богослову и Иоанну Златоустому

О великие и пресветлые святители, Василие, Григорие и Иоанне! Призрите от высот небесных на нас, раб Божиих (имена), и умолите Господа, Егоже верные на земли служители были еси, да дарует нам веры правыя твердое и неизменное сохранение, Церкви Святей послушание, жития нашего исправление и во всех нуждах, скорбех и искушениих скорое поможение, терпение же и укрепление. Подайте нам ваше святое благословение, да оным осеняемии во вся дни богоугодно в мире и покаянии поживем и во Царствии Небеснем сподобимся купно с вами и со всеми святыми Живоначальную Троицу, Отца и Сына и Святаго Духа, воспевати и славити во веки веков.

Св. первомученику архидиакону Стефану

О святый первомучениче, апостоле архидиаконе Стефане! Преклоньше колена души и сердца нашего, тя молим: воздежи руце твои ко Господу и сподвижи всему роду человеческому Предстательницу и Ходатаицу к Сыну Своему, Пресвятую Матерь Деву, и о нас (имена), присно прогневляющих грехом и леностию, моли Благаго Спаса нашего, да подаст нам благодать во благовременную помощь к покаянию, и твоим предстательством и заступлением Пресвятыя Матере Своея, в день он страшный и праведный, да не поставит пред нами грехи наша, но по щедротам Своим, тобою умолен быв, да речет душе нашей: спасение ваше есмь Аз во веки веков.

Святым женам-мироносицам

О святыя Марфо и Марие и прочие святыя жены-мироносицы! Умолите Возлюбленнаго вами и вас возлюбившаго Сладчайшаго Иисуса, Егоже вы исповедали есте Христа, Сына Божия, да даст и нам, грешным рабам Божиим (имена), грехов оставление, в вере правей нелицемерное и твердое стояние. Вселите в сердца наша дух страха Божия, смиреннаго на Бога упования, терпения и ко ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, предстанем на оный Страшный суд, и добрый ответ на нем воздавше, радости неизреченныя во Царствии Небеснем сподобимся во веки веков.

Св. первоверховным апостолам Петру и Павлу

О святии апостоли Петре и Павле, не отлучайтеся духом от нас, грешных раб Божиих (имена), да не разлучимся вконец от любве Божия, но крепким заступлением вашим нас защитите, да помилует Господь всех нас молитв ваших ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков.

Св. пророку Божию Илии

О святый пророце Божий Илие, моли о нас Человеколюбца Бога, да подаст нам, рабам Божиим (имена), дух покаяния и сокрушения о гресех наших, и всесильною Своею благодатию да поможет нам пути нечестия, оставити, преспевати же во всяком деле блазе, и в борьбе со страстьми и похотьми нашими да укрепит нас; да всадит в сердца наша дух смирения и кротости, дух братолюбия и незлобия, дух терпения и целомудрия, дух ревности ко славе Божией и о спасении своем и ближних доброе попечение. Отврати от нас предстательством твоим праведный гнев Божий, да тако в мире и благочестии поживше в сем веце, сподобится причастия вечных благ во Царствий Господа и Спаса нашегo Иисуса Христа, Емуже подобает честь и поклонение, со Безначальным Его Отцем и Пресвятым Духом во веки веков.

Св. великомученице Варваре

Святая великомученице Христова Варваро! Моли с нами и о нас, рабах Божиих (имена), умоляемагоот Своего милосердия Бога, да милостивно услышит нас, Просящих Его благостыню и не отставит от нac вся ко спасению и житию нужная прошения, христианскую же кончину жития нашего безболезненну, непостыдну, мирну и Божественных Тайн причастну да дарует, да благодатию Божию и твоим теплым предстательством, душею и телом всегда здрави пребывающе, ставим дивнаго во святых Своих Бога Израилева, не удаляющаго помощи Своея от нас, всегда, ныне и присно и вовеки веков.

Преп. Тихону Калужскому

О преподобие отче наш Тихоне! Моли милостиваго Бога о нас, смиренных и недостойных, раб Божиих (имена), да избавит храм (дом) сей и приход наш от всяких бед и зол, да отпустит нам вся прегрешения наша, да спасет нас благодатию Своею и сподобит радости вечныя наслаждатися в горнем оном Иерусалиме купно с тобою и со всеми святыми, от века Ему благоугодившими, в них же в Троице славимый Бог благословен есть всегда, ныне и присно и во веки веков.

Св. Алексию, человеку Божию

О Христов угодниче, святый человече Божий Алексие! Призри милостивно на нас, раб Божиих (имена), и простри молитвенно ко Господу Богу честгнии руце твои, и испроси нам от Него оставление согрешений наших вольных и невольных, мирную и христианскую жития кончину и добрый ответ нa Страшнем суде Христове. Ей, угодниче Божий, не посрами упования нашего, еже на тя, по Бозе и Богородице, возлагаем; но буди нам помощник и покровитель во спасение: да твоими молитвами получивше благодать и милость от Господа, прославим человеколюбие Отца и Сына и Святаго Духа и твое святое заступление, ныне и присно и во веки веков.

Блаженным Василию, Максиму и Иоанну, юродивым Московским

О угодницы Христовы, преблаженне Василие, Максиме и Иоанне! Услышите ны, многогрешныя, ныне вопиющия к вам: помилуйте нас, раб Божиих (имена), и умилосердитеся над убожеством нашим, и молитвами вашими исцелите всяк недуг и болезнь души и тела нашего грешнаго, и сподобите ны течение жизни сея невредимо от видимых и невидимых враг и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков.

Свт. Иоасафу Белгородскому

О угодниче Божий святителю Иоасафе! Из глубины сердца взываем к тебе раби Божии (имена), огради нас от соблазна, ересей и расколов, научи горняя мудрствовати, разсеянный ум наш просвети и на путь истины направи, охладевшее сердце согрей любовию ко ближнему и ревностию ко исполнению велений Божиих, грехом и нерадением ослабленную волю нашу оживотвори благодатию Духа Всесвятаго: да твоему пастырскому гласу порледующе, сохраним в чистоте и правде души наша, и тако, Богу помогающу, Небеснаго Царствия достигнем, идеже купно с тобою воспрославим пречестное и великолепое имя Отца и Сына и Духа Святаго во веки веков.

Святым мученикам Адриану и Наталии

О святии мученицы Адриане и Наталие! Услышите нас, раб Божиих (имена), в час сей к вам молящихся: помолитеся о нас Владыце Христу Богу, много бо дерзновение к Нему стяжали есте, искреннии молебницы о нас суще. Умолите Господа отпустити наша грехи и Небеснаго Царствия сподобити нас, да купно с вами прославим великолепое имя Пресвятыя Троицы, Отца и Сына и Святаго Духа, во веки веков.

Священномученику Харалампию

О священнейшая главо, пастырю добрый словесных овец Христовых, священномученниче Христов Харалампие, великий о нас заступниче в скорбех и бедах и во всех нуждах! Услыши нас, грешных и недостойных раб твоих (имена), молящихся тебе, да твоими всесильными молитвами Всеблагий Господь избавит ны отвсякаго злаго обстояния, простит вся согрешения; вольная и невольная, сподобит ны прочая лета жизни нашея скончати в соблюдении заповедей Его и Покаянии. Испроси, угодниче Божий, да пребудет благословение Царя Небеснаго над благословенною Им Россиею, да будет на месте сем мир, телесам здравие и душам спасение. На твоя моления, на тя, священномучениче Христов Харалампие, уповаем, получити велию милость от Господа в безконечный век. Аминь.

Псковским преподобным

О преподобнии и богоблаженнии отцы наши Никандре, Иоакиме, Онуфрие, Корнилие, Савво, Евфросиние, Серапионе, Илларионе, Марко, Ионо, Вассиане, Дорофее, Мартирие, Василие, Иоасафе, Досифее, Харитоне, Игнатие, Харалампие, Памфиле, Ниле, Феофиле, Иакове, Авраамие, Корнилие, Иоанне, преподобная мати наша Вассо и прочие чудотворцы Псковские! Приимите ныне нас, к вам усердно молящихся и припадающих ко святым иконам вашим, духом же на небесех предстоящий Святей Троице со Ангелы и преподобных отец лики, молитеся о нас, чадех ваших (имена), отцы, да избавимся всяких скорбей, болезней, бед и обстояний и благочестно поживем в настоящем житии, ходяще в заповедех и оправданиях Господних безпорочно. Испросите нам грехов прощение, телесем здравие и вечное спасение, яко да вашим предстательством спасаеми, славу возсылаем Отцу и Сыну и Святому Духу, ныне и присно и во веки веков. Аминь.

Св. праведному Иоанну Русскому Исповеднику

О святый новоявленный угодниче Божий Иоанне Русский! Подвигом добрым подвизаяся на земли, восприял еси на небесех венец правды, еже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстояй престолу Божию, приими моления наша, раб Божиих (имена), и ко Всемилостивому Богу принеси, о еже простити нам всякое прегрешение и помощи нам стати противу козней диавольских, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне я во веки веков.

Преподобной Марии Египетской

О великая Христова угодница, преподобная мати Марие! Услыши недостойную молитву нас, грешных (имена), избави нас, преподобная мати, от страстей, воюющих на души наша, от всякия печали и находящия напасти, от внезапныя смерти и от всякаго зла, в час же разлучения души от тела отжени, святая угодница, всякую лукавую мысль и лукавые бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков.

Преподобному Никандру Псковскому

О преподобие и достоблаженне отче наш Никандре! К тебе припадающе с любовию, молим тя, досточудне: настави и вразуми нас, раб Божиих (имена), ходити по стопам твоим: буди на пути сем избранный вождь нам, якоже древле Моисей бяше людем Израилевым. Испроси нам, отче, молитвами твоими у Христа Бога: да освятит благодатию Своею души и телеса наша, ум наш да просветит светом богопознания, совесть нашу от мертвых дел да очистит, От греховных же помышлений и губительнаго уныния да оградит и дарует нам искреннее покаяние, сердец со-крушение, слезное умиление, воздержание и трезвость, смиренномудрие и кротость, чистоту душевную и телесную, страннолюбце и друг ко другу нелицемерную любовь, яко да воспоем и прославим в Троице славимаго Единаго Бога Отца и Сына и Святаго Духа, ныне и в безконечныя веки веков.

Св. великомученику Феодору Стратилату

О святый, славный и всехвальный великомучениче Феодоре Стратилате! Молим тя пред иконою твоею святою: моли с нами и о нас, раб Божиих (имена), умоляемаго от Своего благосердия Бога, да милостивно услышит нас, благостыни у Него просящих, и вся наша ко спасению и житию нужная прошения да исполнит. Еще же молим тя, святый победоносче Феодоре Стратилате, разруши силы возстающих на ны врагов, видимых и невидимых. Умоли же Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа и твое исповедуем предстательство, ныне и присно и вовеки веков.

Преп. Зосиме и Савватию Соловецким

О преподобнии отцы, велиции заступницы :и скории услышателие молитв, угодницы Божии и чудотворцы Зосимо и Савватие! Незабудите, якоже обещастеся, посещати чада ваша. Аще бо и отъидосте от нас телом, но духом присно с нами пребываете. Молим убо вас, о преподобнии, избавите ны от огня и меча, от нашествия иноплеменников и междоусобныя брани, от тлетворных ветров и от внезапный смерти и от всех прилог бесовских, находящих на ны. Услышите нас, грешных (имена), и приимите молитву сию моление наше, яко кадило благовонное, яко жертву благоугодную, и души наша, злыми делы и советы и помыслы умерщвленныя, оживите. И якоже умершую отроковицу возстависте, и неисцельные раны многих исцелисте, и от духов нечистых зле мучимыя избависте; тако и нас, содержимых во узах вражиих, изьмите, и от сетей диавола избавите, Из глубины прегрешений изведите, и милостивым вашим посещением и ходатайством от враг видимых и невидимых оградите ны, благодатию и силою Пресвятыя Троицы, всегда, ныне и присно и во веки веков. Аминь.

Св. мученикам Антонию, Иоанну и Евстафию Виленским

Святии мученицы Антоние, Иоанне и Евстафие! Призрите с небеснаго чертога на требующих вашея помощи раб, Божиих (имена), и не отвергните прошений наших, но молите Христа Бога, да сохранит нас от всякаго лютаго обстояния, да не осудит нас, грешных, по беззаконием нашим, и да не во зло обратим благая, даруемая нам от Бога. Да молитвами вашими даст нам Господь мир помыслов, от пагубных страстей воздержание и от всякия скверны удаление, да мы все в мире и благочестии поживем в настоящем веце, и достигнем вечныя жизни на небеси, благодатию Господа нашего Иисуса Христа; Емуже подобает всякая слава, честь и держава, со Отцем и Святым Духом, ныне и присно и во веки веков.

Святым страстотерпцам Борису и Глебу

О двоице священная, братие прекраснии, доблии страстотерпцы Борисе и Глебе, от юности Христу верою, чистотою и любовию послужившии, и кровьми вашими яко багряницею украсившиися, и ныне со Христом царствующии! Не забудите и нас, рабов Божиих (имена), сущих на земли, но, яко теплии заступницы, вашим сильным ходатайством пред Христом Богом сохраните юныя во святей вере и чистоте невреждены от всякаго прилога неверия и нечистоты, оградите всех нас от всякия скорби, озлоблений и внезапныя смерти, укротите всякую вражду и злобу, действом диавола воздвизаемую от ближних и чуждих. Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением страну нашу и всех, чтущих святую память вашу, во веки веков. Аминь.

Св. апостолу и евангелисту Иоанну Богослову

О великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елика согрешихом от юности нашея во всем житии нашем делом, словом, помышлением и всеми нашими чувствы; во исходе же душ наших помози нам, грешным (имена), избавитися от воздушных мытарств ивечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Св. Анастасии Узорешительнице

О многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная соверщаеши исцеления. Призри убо милостивно на нас (имена), просящия твоея помощи: простри ко Господу святыя молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшнем Суде Своем, да сподобимся и мы купно с тобою славити Отца и Сына и Святаго Духа во веки веков. Аминь.

Св. великомученице Екатерине

О святая дево и мученице Екатерино! Мо-им тя: призри на бедствия нас, грешных раб Божиих (имена), сотвори нас горняя мудр-твовати, а не земная. Поспеши нам молитвами твоими побеждати плотская похотения, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к пользе прощения, можеши бо многая испросити у Возлюбленнаго Жениха твоего, Христа Бога нашего. Мы ве-мы, яко много может молитва праведнаго, поспешествуемая благостию Милосердаго Бога, Емуже слава, честь и благодарение всегда, ныне и присно и во веки веков.

Св. праведному Симеону Богоприимцу

О Богоприимче Симеоне! Услыши нас, грешных раб Божиих (имена), и не отыми покров твой святый от нас, моли благость Господа, яко да отвратит от нас гнев Свой, праведно по делом нащим на ны движимый, и, презрев безчисленная.прегрещения наша, обратит нас на путь покаяния и на стези заповедей Своих утвердит нас. Огради молитвами, твоими в мире жизнь нашу и во всем благом благое поспешение испроси, вся к животу и благочестию потребная нам даруя, яко да тихое и безмолвное житие поживем во всяком благочестии и чистоте, и тако в вечный достигнем покой, идеже сподобимся Небеснаго Царствия Христа Бога нащего, Емуже всякая, слава подобает, со Отцем и Пресвятым Его Духом, ныне и присно и во веки веков.

Святители Спиридону Тримифуитскому

О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа, и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя И блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.

Святителю Митрофану Воронежскому

О святителю Отче Митрофане! Приими сие малое моление от нас, грешных раб Божиих (имена), к тебе прибегающих, и теплым твоим предстательством умоли Господа и Бога нашего, Иисуса Христа, яко да подаст нам согрешений наших прощение и избавит нас от бед, печалей, скорби и болезней душевных и телесных, обдержащих нас; да додаст вся на пользу настоящаго жития нашего потребная; да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего, во еже со всеми святыми слави-и Его безконечное милосердие, со Безначальным Его Отцем и Святым и Животворящим Его Духом, во веки веков.

Преп. Сергию Радонежскому

О преподобие и богоносне отче нащ Сергие! Воззри на нас (имена) милостивно и, к земли приверженных, возведи к высоте небесней. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всеми коемуждо благопотребен и вся ны споспешествующими твоими молитвами сподоби в день Страшнаго суда шуия части избавитися десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Св. праведному Иоанну Кронштадтскому

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь; да ходатаем и присным молитвенником за нас, рабов Божиих (имена), будешь. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся.

Ты же, отче праведный, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует.

О святче Божий, помози нам веру православную непорочно соблюсти и заповеди Божии благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя.

Еще молим тя, отче праведне, о еже Церкви нашей Святей до скончания века утвержденной быти, Отечеству же нашему мир и пребывание испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Немже живем и движемся, и есмы, и пребудем во веки. Аминь.

Святым Ксенофофонту и Марии

О святии Ксенофонте и Марие со чадами вашими Аркадием и Иоанном! Се мы недостойнии и грешнии к вам усердно прибегаем и с упованием крепким молимся: милостивно услышите ныне глас наш молебный и потщитеся на помощь нашу, и ныне любовь вашу к нам, рабам Божиим (имена), явите благодатным действом богоприятных молитв ваших низпошлите и нам великую и богатую милость Господню, да воспоем и прославим дивнаго во святых Своих Бога, Отца и Сына и Святаго Духа, ныне и присно и во веки веков.

Св. мученикам Евстафию Планиде и Евфимии

О преславнии святии и многострадальнии великомученицы Христовы Евстафие и Евфимие! Услышите ны грешныя и недостойныя рабы Божии (имена), святую многострадальную память вашу празднующыя. Испросите нам у Господа многомощными молитвами вашими благодать, яже ко спасению, и всех грехов содеянных нами прощение, земли благоплодие, миру мирное устроение и от лютых диавольских козней свобождение, христианскую кончину жития нашего и немятежное чрез воздушная мытарства к небеси прохождение: вы бо прияли есте благодать сию от Господа, еже молитися за ны, и аще восхощете помиловати нас, почитающих священную память вашу, вся можете сотворити. Не презрите убо нас недостойных, святии великомученицы Евстафие и Евфимие. Испросите от Господа вся благая и полезная душам нашым, яко да и мы удостоимся купно с вами славити и воспевати всесвятое и великолепое имя Его во премирном Царствии Небеснем; идеже есть всех святых жилище, во веки веков.

Святым праведным Богоотцем Иоакиму и Анне

О святии праведницы, Богоотцы Иоакиме и Анно! Молите Милосердаго Господа, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас, раб Божиих (имена), на путь покаяния, и на стези заповедей Своих да утвердит нас. Таже молитвами вашими в мире жизнь нашу сохраните, и во всех благих благое поспешение испросите, вся к животу и благочестию потребная нам от Бога дарующе, от всяких напастей и бед и внезапныя смерти предстательством вашим нас избавляюще и от всех враг видимых и невидимых защищающе, и тако в мире временное сие житие прешедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже, со Отцем и Пресвятым Духом, подобает всякая слава, честь и поклонение во веки веков.

Преп. Кириллу и Марии, родителям преп. Сергия Радонежского

О раби Божий, схимонаше Кирилле и схимонахине Марие! Внемлите смиренному молению нашему. Аще бо временное житие ваше скончали есте, но духом от нас не отступаете, присно по заповедем Господним шествовати нас научающе и крест свой терпеливо носити нам пособствующе. Се бо вкупе со преподобным и богоносным отцем нашим Сергием, вашим возлюбленным сыном, дерзновение ко Христу Богу и ко Пречистой Его Матери стяжали есте. Темже и ныне будите молитвенницы и ходатаи о нас, недостойных рабах Божиих (имена). Будите нам заступницы крепции, да верою живуще, заступлением вашим сохраняеми, невредими от бесов и от человек злых пребудем, славяще Святую Троицу, Отца и Сына и Святаго Духа, ныне и присно и во веки веков. Аминь.

Святым Петру и Февронии Муромским

О угодницы Божий, благовернии княже Петре и княгине Февроние, к вам прибега-м и к вам со упованием крепким молимся: вознесите о нас, грешных (имена), святыя молитвы ваши ко Господу Богу и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние. И ходатайствуйте нам у Царя Небеснаго житие благополучное и добрую христианскую кончину. Ей, чудотворцы святии! Не презрите молитв наших, но будите о нас приснии предстателие ко Господу, и сподобите нас помощию вашею спасение вечное получити и Царствие Небесное унаследовати, да славословим неизреченное человеколюбие Отца и Сына и Святаго Духа, в Троице покланяемаго Бога во веки веков.

Святым сорока мученикам Севастийским

О страстотерпцы Христовы, во граде севастиистем мужественно пострадавший, к вам яко молитвенникам нашим усердне прибегаем и просим: испросите у Всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову и вашим предстательством одесную Праведного Судии предстанем. Ей, угодницы Божии, будите нам, рабам Божиим (имена), защитницы от всех враг видимых и невидимых, Да под кровом святых ваших Молитв избавимся от всех бед, зол и напастей до последнего дне жизни нашея, и Тако прославим великое и достопоклоняемое имя Вседетельныя Троицы, Отца и Сына и Святаго Духа, ныне и присно и во веки веков. Аминь.

Св. мученикам Гурию, Самону и Авиву

О преславнии мученицы Гурие, Самоне и Авиве! Защитите нас, раб Божиих (имена), от напастей злых человек и козней демонских: оградите нас от нечаяныя смерти, избавите от огня, меча и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити, со Отцем и Святым Духом, во веки веков.

Святой блаженной Ксении Петербургской

О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже Прежде к надгробию твоему недужнии и скорбнии припадавший и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.

Святителю Алексию Московскому

О священнейший отче, святителю Христов Алексие, пастырю и учителю наш, не отрини нас (имена), с верою притекающих к твоему заступлению, но скоро потщися помолитися Царю царствующих и Господу господствующих, да избавит стадо Свое от волков, губящих е, и всяку страну христианскую огради и сохрани святыми твоими молитвами от мирского мятежа и труса, нашествия иноплеменник и междоусобныя брани, от глада же и губительства, потопа, и меча, и огня, и напрасныя смерти, и якоже исцелением от слепоты царицы агарянския. спасл еси отечество твое, тако помилуй и нас, умом, словом и делом во тьме греховней сущих, и избави нас гнева Божия и вечныя казни, яко да твоим ходатайством и помощию, Своим же милосердием и благодатию, Христос Бог тихое и безгрешное житие даст нам пожити в веце сем и на Страшнем судище Своем сподобит деснаго стояния со всеми святыми. Аминь.

Священномученику Антипе Пергамскому

О преславньгй священномучениче Антипо и скорый помощниче христианом в болезнех! Верую от всея души и помышления, яко дадеся тебе от Господа дар болящия исцеляти, недугующия врачевати и раэслабленныя укрепляти. Сего ради к тебе, яко благодатному врачу болезней, аз, немощный, прибегаю и, твой досточтимый образ со благоговением лобызая, молюся: твоим предстательством у Царя Небеснаго испроси мне, болящему, исцеление от удручающия мя зубныя болезни. Аще бo и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел ко благому житию, уврачуй обильно дарованною тебе благодатию язвы и струны души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити всесвятое имя Отца и Сына и Святаго Духа, во веки веков. Аминь.

Св. великомученику Артемию

Святый угодниче Божий, Артемие праведный! Призри милостивно на усердную молитву нас, грешных (имена), и твоим благомощным предстательством прощение согрешений наших у Господа испроси, преспеяние же в вере и благочестий и от козней диавольских ограждение исходатайствуй нам. Наипаче же моли Господа, да сподобит всех нас по христианской кончине Небесное Царствие получити, идеже вей праведнии купно с тобою славят Отца и Сына и Святаго Духа во веки веков.

Преп. Серафиму Саровскому

О преподобне отче Серафиме! Вознеси о нас, рабех Божиих (имена), благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенйо внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков.

Преподобному Марону Сирийскому

О преподобне и богоносне отче наш Мароне! Назирай свыше мидлостивно и молися Владыце Милостивому и Всещедрому всех благ Подателю Богу о соблюдении страны нашея от неверия и развращения. Буди молебник и о нас, грешных! Ко Владыце Господу честнии твои руце в час сей простри и от Него милость и щедроты испроси, и приими ны (имена), во свое ходатайство и заступление, от всех бед и лютых болезней сохрани и от всяких страстей свободи, и от нестерпимыя и неутешимыя огневицы и трясавицы молитвами твоими избави нас, и от нападения бесов, от видимых и невидимых врагов соблюди, и согрешением нашим прощения испроси, и спасены Христу нас представи, во еже, в день Страшнаго суда, с радостию предстати нам пред лицем неизреченный славы Его, и милостивное призвание в Царство Небесное от Него услышати, и в неизреченней радости зрети преславную Его лица доброту сподоби благодатию и человеколюбием Господа Бога и Спаса нашего Иисуса Христа. Яко держава Его благословена и препрославлена, со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.

Святителю Димитрию Ростовскому

О святителю Димитрие, великий угодниче Христов, златоусте Российский! Услыши нас грешных, молящихся тебе, и принеси молитву нашу к Человеколюбцу Богу о рабах Божиих (имена). Умоли Его благосердие, да не осудит нас по беззаконием нашим, но да сотворит с нами по милости Своей. Испроси нам у Христа Бога нашего мирное и безмятежное житие, здравие душевное и телесное. Даруй нам богоугодно прейти поприще временныя жизни, избави нас от воздушных мытарств и настави нас на путь, ведущий в селения праведных: подаждь нам твое архипастырское и святое благословение, да оным осеняеми, избавимся от козней лукаваго и избегнем от всякой беды и напасти. Услыши моление наше, отче Димитрие, и моли непрестанно о нас Всесильнаго Бога, славимаго и покланяемаго в трёх ипостасех, Емуже подобает всякая слава, честь и держава во веки веков.

Преп. Давиду Гареджийскому

О всесветле, богохвальне, авва Давиде, святче Божий! Ты силою благаго законоположения явился еси нам, кознями лукаваго связанным и обуреваемым, яко наставник в покаянии и помощник в молитве. Того ради дано тебе множество даров благодати и чудотворения, разрешения грех наших и пре: грешений оставление, болезней исцеление и диавольских наветов отгнание. Темже твоею отеческою милостиюв богоцарственном разумении, многотрудными молитвами и моленьми твоими, наипаче же непрестанным твоим заступлением о нас, рабех Божиих (имена), да возставит Господь Бог ны, во грех впадшие, силою Своею непобедимою на всякаго видимаго и невидимаго врага, дабы благодаряще совершая святую память твою, желанием возжелали мы покланятися Превечному Богу в Троице Единому, Отцу и Сыну и Святому Духу, ныне и присно и во веки веков. Аминь.

Преп. Александру Свирскому

О преподобне и богоносне отче наш Александре! Испроси нам вся к житию сему временному благопотребная, паче же к вечному спасению нашему нужная. Буди нам, рабам Божиим (имена), чудотворче святый, во всякой скорби и обстоянии скорый помощник. Наипаче же в час кончины нашея явися нам заступник благосердый, да не предани будем на мытарствах воздушных власти злобнаго миродержца, но да сподобимся непреткновеннаго восхода во Царствие Небесное. Ей, отче, молитвенниче.наш присный! Не посрами упования нашего, не презри смиренных молений наших, но присно о нас пред престолом Живоначальныя Троицы предстательствуй, да сподобимся вкупе с тобою и со всеми святыми, аще и недостойни есмы, в селениих райских славити велите, благодать и милость Единаго в Троице Бога, Отца и Сына и Святаго Духа, во веки веков.

Преп. Иринарху, затворнику Ростовскому

О преподобие отче Иринарше! Се мы молим тя усердно: буди ходатай наш присный, испроси нам, рабам Божиим (имена), от Христа Бога мир, тишину, благоденствие,

здравие и спасение, и от всех врагов видимых и невидимых ограждение, покрый же нас ходатайством твоим от нахождения всяких бед и скорбей, паче же от искушений врага темнаго, да все мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

Святым седми отрокам во Ефесе

О пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя. Низведите на ня благословение Христа Бога, рекшаго: оставите детей приходити ко Мне. Болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастати. И всех нас, святей иконе вашей предстоящих рабов Божиих (имена), и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа, во веки веков. Аминь.

Великомученику Пантелеймону, святым Косме и Дамиану, св. мученикам Киру и Иоанну, священномученику Ермолаю, св. мученику Диомиду, св. мученикам Фотию и Аниките

О великие Христовы угодницы и чудотворцы Пантелеймоне, Космо и Дамиане, Кире и Иоанне, Ермолае, Диомиде, Фотие и Аникито! Услышите нас, вам молящихся (имена). Вы весте наши скорби и недуги, слышите воздыхания множества к вам притекающих. Сего ради к вам яко скорым помощникам и теплым молитвенникам нашим зовем: не оставляйте нас вашим у Бога ходатайством. Мы присно заблуждаем от пути спасения, руководите нас, милостивые наставницы. Мы немощны есмы в вере, утвердите нас, правоверия учители. Мы зело убози сотворихомся добрых дел, обогатите нас, благосердия сокровища. Мы присно наветуеми есмы от враг видимых и невидимых и озлобляеми, помозите нам, безпомощных заступницы. Гнев праведный, движимый на ны за беззакония наша, отвратите от нас вашим ходатайством у престола Судии Бога, Емуже вы предстоите на небеси, святые праведницы. Услышите, молим вас, велиции Христовы угодницы, вас с верою призывающия и испросите молиттвами вашими у Отца Небеснаго всем нам прощение грехов наших и от бед избавление. Вы бо помощницы, заступницы и молитвенницы, и о вас славу возсылаем Отцу и Сыну и Святому Духу, ныне и присно и во веки веков.

Св. мученику Полиевкту

О святый мучениче Полиевкте! Услыши ныне нас, к тебе усердно молящихся. Молисяо нас, рабех Божиих (имена), да избавимся от всяких скорбей, болезней, бед и обстояний и благочестно поживем в настоящем житии, ходяще в заповедех и оправданиих Господних безпорочно. Испроси нам грехов прощение, телесем здравие, жития исправление и вечное спасение, яко да твоим теплым предстательством спасаеми, славу возсылатй сподобимся в Троице славимому Богу нашему, Отцу и Сыну и Святому Духу, ныне и присно и во веки веков.

Св. апостолу Фоме

О святый апостоле Христов Фомо! Молим тя: сохрани и соблюди нас молитвами твоими от искушений диавольских и падений греховных и испроси нам, рабам Божиим (имена), свыше помощь во время неверия, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестнои богоугодно житие сие временное скончати, христианскую кончину получити и добраго ответа сподобитися на Страшнем Суде Христове; да прославим великолепое имя Отца и Сына и Святаго Духа, во веки веков.

Святителю Тихону Задонскому

О святителю, отче наш Тихоне! Услыши нас и потщися благоприятным твоим ходатайством умолити Господа, да пробавит Своя великия и богатыя Милости на Нас, грешных и недостойных рабех Своих (имена), да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениях наших и да избавит ны от вечных мук и огня геенскаго, да дарует в нынешнем веце мир и тишину, здравие и спасение, да тако сподобимся, со Ангелы и со всеми святыми, славити и воспевати всесвятое имя Отца и Сына и Святаго Духи, во веки веков.

Святителю Иоанну Златоусту

О святителю великий Иоанне Златоусте! Многая и различная дарования от Господа Прийлёсйи, яко раб благий и верный, вся данныя тебе таланты добре умножил еси, сего ради воистину вселенский учитель был еси, якб всяк возраст и всяко звание от тебе поучается. Мы же, грешнии (имена), по единому кийждо свое дарование имуще, единения духа в союзе мира не имамы, но бываем тщеславии, друг друга раздражающе, друг другу завидяще; сего ради дарования, наша не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку злобу, недоброжелательство, гордость и зависть, нас разделяющия, да во мнозех удех едино тело церковное невозбранно пребудем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно, и во веки веков. Аминь.

Преп. Ефрему Сирину

О угодниче Христов, отче наш Ефреме! Принеси молитву нашу к милостивому и всесильному Богу и испроси нам, рабам Божиим (имена), у благости Его вся яже на пользу душам и телесем нашим, веру праву, надежду несумненну, любовь нелицемерну, кротость и незлобие, во искушениях мужество, в злостраданиях терпение, во благочестии преспеяние, да не во зло обратим дары Всеблагаго Бога. Не забуди, чудотворче святый, и святый храм (дом) сей и приход наш: сохрани и соблюди их молитвами твоими от всякаго зла. Ей, святче Божий, сподоби нас кончину благую улучити и Царствие Небесное унаследити, да прославим дивнаго во святых Своих Бога, Емуже подобает всякая слава, честь и держава, во веки веков.

Св. мученику Вонифатию

О многострадальный и всехвальный мучениче Вонифатие! Ко твоему заступлению ныне прибегаем. Молений наших не отвержи, но милостиво услыши нас. Исцели братию и сестры наша (имена), тяжким недугом пиянства одержимыя, и того ради от матере своея Церкви Христовой и вечнаго спасения отпадающия. О, святый мучениче Христов, коснися сердец их данною ти от Бога благодатию, скоро возстави от падении греховных и ко спасительному воздержанию приведи их. Умоли Господа Бога, Егоже ради и страдал еси, да простив нам согрешения наша, не отвратит милости Своея от людей Своих, но да укрепит нас в трезвости и целомудрии, да поможет Своею десницею трезвящимся спасительный обет свой до конца сохранити, да во дни и в нощи о Нем бодрствующе и добрый ответ о Нем воздати на Страшном судище. Приими, угодниче Божий, молитвы матерей, о чадех своих слезы проливающих; жен честных, о мужех рыдающих; чад сирых и убогих, пияницами оставленных; всех нас, к иконе твоей припадающих, да приидет сей вопль молитвами твоими ко Престолу Всевышняго. Покрый и соблюди нас от лукаваго ловления и всех козней вражиих. В страшный час исхода нашего помоги прейти непреткновенно воздушныя мытарства, молитвами твоими избави нас вечнаго осуждения, и да покрыет нас милость Божия, в нескончаемые веки веков. Аминь.

Свт. Вонифатию Милостивому

О всесвятой Вонифатий, милостивый раб Милосердного Владыки! Услышь прибегающих к тебе, одержимых пагубным пристрастием к винопитию и, како своей земной жизни ты никогда не отказывал в помощи просящим тебя, так и теперь избавь этих несчастных (имена). Аминь.

Преп. Моисею Мурину

О преподобный, ты от тяжких грехов достиг пречудных добродетелей, помоги молящимся тебе рабам Божиим (имена), влекомым в погибель оттого, что предаются безмерному, вредному для души и тела употреблению вина. Склони на них свой милостивый взор, не отклони и не презри их, но внемли им, прибегающим к тебе. Моли, святой Моисей, Владыку Христа, чтобы не отверг их Он, Милосердный, и да не возрадуется диавол их погибели, но да пощадит Господь этих безсильных и несчастных, которыми овладела пагубная страсть пиянства, ведь мы все Божий создания и искуплены Пречистою Кровию Сына Его. Услышь же, преподобный Моисей, их молитву, отгони от них диавола, даруй им силу победить страсть, помоги им, простри твою руку, выведи их на путь добра, освободи их от рабства страстей и избавь их от винопития, чтобы они, обновленные, в трезвении и светлом уме возлюбили воздержанней благочестие, и вечно прославляли Всеблагого Бога, всегда спасающего Свои создания. Аминь.

Св. Архистратигу Божию Михаилу

О святый Михаиле Архангеле, помилуй нас, грещных, требующих твоего заступления, сохрани нас, раб Божйих (имена), от всех видимых и невидимых враг, паче же подкрепи от ужаса смертного и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас Тамо купно с тобою славити Отца и Сына и Святаго Духа во веки веков.

Преподобному Макарию Великому

О преподобие отче Макарие! Молим тя мы, недостойные, испроси предстательством твоим у Всемилостиваго Бога нашего нам здравие душевное и телесное, тихое и богоугодное житие и добрый ответ на Страшнем Суде Христове. Угаси молитвами твоими разжженые на рабов Божиих (имена) стрелы диавольския, да не прикоснется нам злоба греховная, да благочестно скончавше временное житие, сподобимся наследовати Царствие Небесное и купно с тобою славити Отца и Сына и Святаго Духа во веки веков. Аминь.

Преподобному Антонию Великому

О великий угодниче Божий, преподобие отче Антоние! Яко имеяй дерзновение ко Владыце Христу и ко Пречистей Его Матери, буди о нас, нелостотых (имена), молитвенник теплый, заступая нас от всяких бед и напастей, да твоими молитвами невредимы от враг видимых и невидимых пребудем. Моли милосердие Божие, да спасет нас от прегрешений наших, имиже веси судьбами. Моли благость Его, еже милостивно храму (дому) сему потребная подавати, жизнь нашу умирити и вся прихожаны храма сего помиловати, и спасти души наша, да непрестанно славим, хвалим, поем и величаем пречестное и великолепое имя Отца и Сына и Святаго Духа ныне и присно, и во веки веков. Аминь.

Священномученику Киприану и мученице Иустине

О святие священномучениче Киприане и мученице Иустина! Внемлите смиренному молению нашему. Аще бо временное житие ваше мученически за Христа скончали есте, но духом от нас не отступаете есте, присно по заповедем Господним шествовати нас научающе и крест свой терпеливо нести нам пособствующе. Се, дерзновение ко Христу Богу и Пречистей Его Матери стяжали есте. Темже и ныне будите молитвенницы и ходатаи о нас, недостойных (имена). Будите нам заступницы крепции, да заступлением вашим сохраняеми невредимы от бесов, волхвов и от человек злых пребудем, славяще Святую Троицу: Отца и Сына и Святаго Духа, ныне и присно, и во веки веков. Аминь.

Св. мученице Татьяне

О святая мученице Татиано, приими ныне нас, молящихся и припадающих к святой иконе твоей. Молися о нас, рабех Божиих (имена), да избавимся всяких скорбей и болезней душевных и телесных и благочестие поживем в настоящем житии, и в будущем веке сподоби нас со всеми святыми поклонятися в Троице славимому Богу, Отцу и Сыну и Святому Духу, ныне и присно и во веки веков. Аминь.

Московским святым

О, преподобнии и богоноснии отцы наши Московские, пастырие и учителие, постницы и исповедницы, земнии ангелы, небеснии человецы: великие святителие Петре, Алексие, Ионо, Филиппе, Ермогене, Иннокентие, Иове, Тихоне, Макарие, Филарете и Стефане Пермский; преподобнии Сергие, Никоне, Михее и прочие Радонежские чудотворцы; преподобнии схимонаше Кирилле и схимонахине Марие; преподобный Андроник, преподобнии Афанасие Высоцкий, Савво Сторожевский и Савво Стромынский; царевиче Димитрие, преподобная мати Евдокие (Евфросиния), преподобне отче Ферапонте Можайский и преподобне отче Андрее (Рублев); святии благоверные чудотворцы княже Данииле Московский и Димитрие Донской; блаженнии юродивые Христа ради Василие, Иоанне и Максиме Московские чудотворцы; преподобномученице и Великая Княгине Елисавето и инокине Варваро и все новомученицы и исповедницы Московские, к вам прибегаем, вам молимся и мили ся деем, не забудите нас, прибегающих к вам, будите молитвенницы о приходе сем (храме сем, доме сем); мы же, яко немощны суще, ничтоже можем творити без вашего заступления, просим предстательства вашего о нас, недостойних, пред Господом Богом, в бедах утешения, в несчастий покровительства, в обидах заступления и во всех приключающихся злых радости и упования, темже не яко неключими раби, но яко ваши сынове да пребудем и молитвами вашими живот вечный в Царствии невечернем наследим. Аминь.

Всем святым, в земле Российстей просиявшим

О, преславнии и всехвальнии угодницы Божии, вси святии ведомыя и неведомыя в земле Российстей просиявшии! К вам, яко к теп-лым ходатаям и предстателям нашим с лю-бовию прибегаем и смиренно молимся: умолите Господа Бога, да вашими благоприятными молитвами, Своим же человеколюбием да дарует нам (имена) тихое и благочестное житие в веце сем пожити, да избавит нас от искушений и соблазнов лукаваго диавола и от бед и напастей, и от всякаго зла; на Страшнем же суде Своем да сподобит нас деснаго стояния и наследники Царствия Своего Небеснаго да сотворит, яко благословися пречестное и великолепое имя Отца и Сына и Святаго Духа, ныне и присно и во веки веков. Аминь.

Молитва по призывании святых

Боже Святый и во святых почивающий! Воспоминая святых Твоих и их богоугодное похваляя житие, Тебе Самаго в них действовавшаго, прилежно молю Тя: даждь мне, грешному, последовати их учению, привету, вере, долготерпению, любви, и их молитвенным пособием, паче же Твоею вседействующей благодатию, небесныя с ними сподобитися славы и хвалити пресвятое имя Твое, Отца и Сына и Святаго Духа, во веки. Аминь.

Вверх